1 SAMUELA 20:3 - Mara Bible RV (BSI)

³ Dâvi ta bie a taih heih ta, Zawnathâ hnohta, “Eina ngiachhiezie chi he na paw ta pahnopasia ta, chavâta, ‘He hmo he la Zawnathâ ta pahno khah sy, chataleipatala a pachâ a rôh kaw aw na,’ a tahpa vâta a châ aw. Abeipa hrona nata nâma hrona reipa ta ei reih, hmeiseihta ta la, keima nata thina likawh he keih kha deita â hla bâ,” tah ta.

1 SAMUELA 20:3 ပူးပေါင်းရင်းမြစ်များ

2 SAMUELA 15:21

Châhrasala Itai ta abei cha a chhy ta, a hnohta, “Abeipa hrona na­ta ei zibeipa abei hrona reipa ta ei reih, ei zibeipa abei yna maih liata, thina rai châ sala, hrona rai châ sala, cha liata châ chakaotuhpa chhao he ei y lymâ hra aw,” tah ta.

2 ABEIZY 2:2

Elaizâh ta Elaisâh hnohta, “Ngiachhiepa ta he liata vaw y mah y. Kei cha Abeipa ta Bethel taih sie awpa ta eina tuah,” tah ta. Elaisâh ta, “Abeipa hrona nata na hrona reipa ta ei reih, cha siesai cheita aw va na,” tah ta. Chatanachata Bethel lâ cha zu ha ei ta.

2 ABEIZY 2:4

Elaizâh ta Elaisâh hnohta, “Elaisâh y, ngiachhiepa ta he liata vaw y mah y. Kei cha Abeipa ta Zerikô lâ sie awpa ta eina tuah,” tah ta. Elaisâh ta, “Abeipa hrona nata na hrona reipa ta ei reih, cha ysai cheita aw va na,” tah ta. Chatanachata Zerikô cha kei tlô ei ta.

2 ABEIZY 2:6

Elaizâh ta Elaisâh hnohta, “He liata vaw y mah y, ei châ haw na. Kei cha Abeipa ta Zawdâh lâ sie awpa ta eina tuah,” tah ta. Châhrasala ano ta, “Abeipa hrona nata na hrona rei­pa ta ei reih, cha siesai cheita aw va na,” tah ta. Chatanachata ama pano ta sie lymâ ei ta.

HLAZY 116:3

Thina khoheihzy ta na chadôpa ta, Athihkhih pasa taonazy ta na patu ta, Nôpopa nata pachârôhpa ta ei y.

ZEREMIAH 38:16

Bei Zedekia ta Zeremiah cha arulâta bie a taih ta, a hnohta, “Eima hrona a taotuhpa Abeipa hrona reipa ta ei reih, cha thie leipa aw na ta, thie châ chhuahpa chyhsazy ku liana chhao he cha hlâ aw va na,” tah ta.

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

RYHPACHANEINA 28:66

Nama hrona cha khatino rai ta chichhihpa ta y aw ta, chhô nah zâ ta thlazohpa ta y aw ei chi ta, chhôhmohpa ta hrona noh hnei aw veih ei chi.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

HEBRAI 6:16

Chyhsazy ta âmo hlâta rônah viapa moh reipa ta bie a taih tyh ei ta, aeichhiana ama hneipa to liata chhao, bietai cha bietluna pa-ina châta ama hmâh tyh.

1 SAMUELA 1:26

Hânâ ta, “Hy ei zibeipa! Na hrona reipa ta ei reih. Ei zibeipa y, kei he he su liata na mohmô liata a duah na ta, Abeipa lâta thlah a chhâpa chanô kha ei châ.

1 SAMUELA 17:55

Dâvi ta Philistinâ chyhsa a thyuhnaopa Sawla ta a hmô nah khata, pheisaih hyutuhpa Abane hnohta, “Abane, hao satliapa hao ahy saw maw?” tah ta. Abane ta, “Na hrona reipa ta ei reih, Hy abei y, pahno cheita va na,” tah ta.

1 SAMUELA 20:2

Zawnathâ ta a hnohta, “Châ bao vâ! Thi cheita aw va chi. Moh teh, ei paw heta keima na pahnosa ha tua leipa ta khâpa hmahta, a laipa tlyma, a chyhpa tlyma, tao beih vei. Khazia ei paw ta he hmo he eina phih aw? Na phi cheita aw vei,” tah ta.

1 SAMUELA 20:4

Zawnathâ ta Dâvi hnohta, “Na reipa maih ei cha taopa aw,” tah ta.

1 SAMUELA 25:26

Chavâta ei zibeipa y, tahmâ Abeipa hrona nata nâma hrona reipa ta ei reih. Abeipa ta thisaih palo awpa tawhta nata na chariahpazy chô liata nâma ku ta phuh la awpa tawhta cha pakhâ ha ta, chavâta na chariahpazy nata na chô liata hmo pha leipa tao a chhuahpazy cha Nâbâ hawhta châ mawh ei sy.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.