1 SAMUELA 20:16 - Mara Bible RV (BSI)

¹⁶ Chatawhcha Zawnathâ ta Dâvi chhôhkha chô liata bie hraih ta, “Zawnathâ moh he Dâvi chhôhkha tawhta chhawh pathlahpa ta y leipa sala, Abeipa ta Dâvi chariahzy chô liata phuh la mawh sy,” tah ta.

1 SAMUELA 20:16 ပူးပေါင်းရင်းမြစ်များ

ÂTHAONA 15:18

Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

2 SAMUELA 21:8

Rizpâ sawchapawpa pano, Amôni nata Mephibôse nata Mikâli sawchapawpa papangawh zy a chhi ta. Rizpâ he Aihza sawchanô châ ta, Sawla liata a sapa a châ. Mikâli he Sawla sawchanô châ ta, a sawchapaw papangawhpazy he Mehôlâ chyhsa Bâzilai sawchapawpa Adari liata a sapazy ama châ.

ZEREMIAH 40:9

Sâphâ sawchapawpa Ahikâ saw­chapawpa Kedaliah ta âmo nata ama sahlaozy cha bie a taih ta, ama hnohta, “Kaldia mo chakao awpa ta chi khuh vy. Râh liana heta y molopa ta, Babylaw bei chakao u la, nama châta a pha aw.

RYHPACHANEINA 23:21

“Abeipa nama Khazohpa lâta bie namâ taihpa a y khiahta cha, pahawh pasâh leipa ta nama pie awpa a châ. Chataleipatala Abeipa nama Khazohpa ta châ hnaw tlôh aw ei ta, nama châta moleina a châ pathlei aw.

ZAWSUA 22:23

Abeipa eima pazipa tawhta tleisai nawpa ta eima châta maisâh a taopa eima châ khiahta nata cha liata raopa hlâna tlyma, niepa hlâna tlyma, aryhna hlâna atheihna tlyma hlâ nawpa ta a taopa eima châ khiahta cha, ano Abeipa tlai ta viari miah thô mawh sy.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 20:42

Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.

1 SAMUELA 22:8

Khazia nama zydua ta eina tei ei chi? Ei sawchapawpa ta Zese sawchapawpa hnohta biehrai a taopa ahy hmahta na chho tlâ veih ei chi. Pachâ nâ rôhkheipa rai y veih ei chi. Nâ chakaotuhpa heta keima nâ dyuhpa ta, tanoh hawhna heta nâ byh awpa ta, ei sawchapawpa ta a pasyupa kyh chhao, nâ chhopa y tlâ veih ei chi,” tah ta.

1 SAMUELA 23:18

Ama pano ta Abeipa hmiakô liata bie hraih ei ta. Dâvi cha Hôresâ liata a ngua ta, Zawnathâ cha o lâ sie ha ta.

1 SAMUELA 25:22

Mylâ my khih a pavâ tita, a hneipa zydua liata chapaw pakha chhao ei pahlôh khiahta cha, Khazohpa ta Dâvi chô liata tao sala, cha hlâta pasa viapa chhao ta tao mawh sy,” tah ta.

1 SAMUELA 25:26

Chavâta ei zibeipa y, tahmâ Abeipa hrona nata nâma hrona reipa ta ei reih. Abeipa ta thisaih palo awpa tawhta nata na chariahpazy chô liata nâma ku ta phuh la awpa tawhta cha pakhâ ha ta, chavâta na chariahpazy nata na chô liata hmo pha leipa tao a chhuahpazy cha Nâbâ hawhta châ mawh ei sy.

1 SAMUELA 31:2

Philistinâ mo ta Sawla nata a sawchapawzy cha a chadai lymâ ei ta, Philistinâ mo ta Sawla sawchapawpa Zawnathâ, Abinadâ nata Mekhisua zy cha thie ei ta.