1 SAMUELA 20:14 - Mara Bible RV (BSI)

¹⁴ Abeipa ta Dâvi chariahpa zydua alei chô tawhta a chhawh pathlah khai tita, ei hro thlâh ha chy khiahta cha, ei thi lei nawpa ta Abeipa ngiachhiena ei chô liata palâsa mah y.

1 SAMUELA 20:14 ပူးပေါင်းရင်းမြစ်များ

ÂTHAONA 40:14

Phana na to tita, nâ thei thlâh ha la, ngiachhiepa ta ei chô liata phana palâsa la, Phiraoh hnohta ei thâtih reih la, he o tawhna heta rie na papua mah y.

2 SAMUELA 9:1

Dâvi ta, “Zawnathâ vâta a pathlazy chô liata ngiachhiena ei palâsa thei nawpa ta, Sawla pathlazy hry liata a hrohpa pakha chhâ ama y tlyma i?” tah ta.

2 SAMUELA 9:3

Abei ta, “Khazohpa ngia­chhiena a chô liata ei palâsa thei nawpa ta, Sawla pathla hry liata a hrohpa pakha chhâ ama y tlyma?” tah ta. Zibâ ta abei hnohta, “Zawnathâ sawchapawpa pakha y ta, pheisypa a châ,” tah ta.

1 SAMUELA 20:13

Ei paw ta na chô liata hmo pha leipa tao a chhuah sala, cha chho leipa aw sah la, thlalôhpa ta na sie thei nawpa ta ei cha pathlie leipa khiahta cha, Abeipa ta Zawnathâ chô liata a tao awpa cha tao sala, cha hlâta pasa viapa chhao ta tao mawh sy. Ei paw hnohta a Abeipa a y tyhpa hawhta, nâma hnôh chhao ta y hra mawh sy.

1 SAMUELA 20:15

Ei thi ha khiahta deikua cha, na ngiachhiena cha ei chhôhkha chô liata chhâzaw ta chhawh pathlah beih khah y,” tah ta.

1 SAMUELA 20:23

Nâma nata keima likah ta hmo eima rei hapa kyh liana khata cha, pachâ teh, Abeipa cha eima likah liata chhâzaw ta miah pahnokheituhpa a châ,” tah ta.

1 SAMUELA 24:21

Chavâta ei pathla vaw y lymâ awpazy cha chhawh pathlah leipa aw chi ta, ei paw pathlazy tawhta ei moh he pahleipadia aw va chi tahpa Abeipa moh ta tahmâ bie nâ taih mah y,” tah ta.