1 SAMUELA 20:10 - Mara Bible RV (BSI)

¹⁰ Dâvi ta Zawnathâ hnohta, “Na paw ta a chahrâh kawpa ta châ chhypa vaw châ sala, ahy ma nâ chho aw?” tah ta.

1 SAMUELA 20:10 ပူးပေါင်းရင်းမြစ်များ

ÂTHAONA 42:30

“Râh ryureituhpa chyhsa ta reih chahrâh kawpa ta bie miah a chho ta, râh mohparutuhpa ta miah rao ta.

ÂTHAONA 42:7

Zawsi ta a unawhzy a hmô nahta, âmo cha pahno thlâh ha ta, châhrasala hmia pahno leipa hawhta ama chô liata a tao ta, reih chahrâhpa ta âmo cha bie a chho ta. Ama hnohta, “Khataih tawhta a vypa ma nama châ?” tah ta. Âmo ta, “Sâh chalei awpa ta Kâna râh tawhta â zupa eima châ,” tah ei ta.

1 ABEIZY 12:13

Abei ta zawpizy cha reih chahrâh kawpa ta a chhy ta, pawhrâhpazy ta ryhraokheina ama piepa cha a pyh leipa ta,

BIESOZY 18:23

Sipasapa cha â haw ta a haw tyh ta, Hneirôhpa deikua cha a chahrâh kawpa ta â chhy tyh.

1 SAMUELA 20:11

Zawnathâ ta Dâvi hnohta, “A vy teh, lyurâhpa lâ hao vawh tua ei si,” tah ta. Ama pano ta lyurâhpa lâ cha vawh ei ta.

1 SAMUELA 20:9

Zawnathâ ta, “Châ bao vâ! Ei paw ta na chô liata hmo pha leipa tao â chhuah khiahta cha, cha chho leipa ta ma ei y aw?” tah ta.

1 SAMUELA 25:10

Nâbâ ta Dâvi chakaotuhpazy cha a chhy ta, “Dâvi cha ahy ma a châ tly? Zese saw­chapawpa cha ahy ma a châ tly? Tahmâno he sei hluhpi ta ama zibeipazy amâ râsai ngâ kaw.

1 SAMUELA 25:14

Satlia pakha ta Nâbâ lapinô Abikai hnohta “Pachâ teh, Dâvi ta râhchawhpa tawhta eima zibeipa a naoh awpa ta chyhsa vaw tuah ta, châhrasala reikah chhiepa ta âmo cha â chhy ha ei.

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.