1 SAMUELA 20:1 - Mara Bible RV (BSI)

¹ Dâvi cha Râmâ liata Naiô khihpi tawhta a râ ta, Zawnathâ yna lâ pangai ta, a hnohta, “Khâpa ma ei tao ha tly? Khâpa ma ei thaileina tly? Na paw hmiakô liata khâpa moleina tao ha na ta ma, ei hrona he la awpa ta he hawhta eina tei ngâ thlâh ha tly?” tah ta.

1 SAMUELA 20:1 ပူးပေါင်းရင်းမြစ်များ

HLAZY 54:3

Chihropazy ta na thyuhnaopa ta, Chyhsa nôchhiepazy ta ei hrona tei ei ta, Ama hmiakô liata Khazohpa soh veih ei. Selah

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

1 ZAWHÂNA 3:21

Kho ngaitapa saih u, eima palôh ta thailei miah a pachâsa leipa khiahta cha, Khazohpa liata alôhna eima hnei tahna a châ.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.

1 SAMUELA 19:1

Sawla ta a sawchapawpa Zawnathâ nata a chakaotuhpa zydua cha Dâvi thie awpa ta chho ta. Châhrasala Sawla sawchapawpa Zawnathâ ta Dâvi cha khoh kaw ta.

1 SAMUELA 19:18

Dâvi cha a râ ta, a boh ha ta. Râmâ khih liata Samuela kô kei tlô ta, a chô liata Sawla hmotaopa zydua cha Samuela chho ta. Dâvi nata Samuela cha Naiô lâ sie ei ta, cha liata y ei ta.

1 SAMUELA 20:2

Zawnathâ ta a hnohta, “Châ bao vâ! Thi cheita aw va chi. Moh teh, ei paw heta keima na pahnosa ha tua leipa ta khâpa hmahta, a laipa tlyma, a chyhpa tlyma, tao beih vei. Khazia ei paw ta he hmo he eina phih aw? Na phi cheita aw vei,” tah ta.

1 SAMUELA 20:32

Zawna­thâ ta a paw Sawla cha a chhy ta, a hnohta, “Khazia ma Dâvi cha thie awpa a châ tly? Khâpa ma a tao haw?” tah ta.

1 SAMUELA 24:11

Ei pâ, moh tua, vaw moh tua rai, na poh pai chhao ei chaba thlâh ha hih. Na poh pai ei tai thei thlâh hapa ta, nâma ei cha thie leipa kha, ei ku liata paraona nata abei adyuhna rai y vei tahpa na hmô awpa nata na pahno awpa ei khopa vâta a châ. Ei hrona la a chhuahpa ta na tlua ngâ hra la, na chô liata molei va na.

1 SAMUELA 24:12

Abeipa ta nâma nata keima likah pachia sala, Abeipa ta na chô liata ei phuh tlao la mawh sy. Kei ta la, na chô liata ei ku pathla cheita aw va na.

1 SAMUELA 24:17

Dâvi hnohta, “Keima hlâta na sia via syulyu na, nâ cha ei chô liata hmo phapa tao chi ta, kei deikua cha, hmo chhiepa ta viari ei cha thô.

1 SAMUELA 24:9

Dâvi ta Sawla hnohta, “Khazia ma, ‘Dâvi ta na chhiena a tlua,’ châ tahpa chyhsazy bie reipa cha na zo thlâh tly?

1 SAMUELA 26:18

Dâvi ta, “Khâpa vâta ma ei zibeipa heta châ chakaotuhpa he â chadai tly? Khâpa hmo ma ei tao ha tly? Khâpa moleina ma ei ku liata a y tly?