1 SAMUELA 2:9 - Mara Bible RV (BSI)

⁹ “A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.

1 SAMUELA 2:9 ပူးပေါင်းရင်းမြစ်များ

ZAWBÂ 18:18

Khaihna tawhta zohna lâ topa châ aw ta, Khizaw tawhta a chadaipa a châ aw.

ZAWBÂ 40:13

Ama zydua ta dohlei liata hmaohkha ta pabu la, Hmiasiah thei lei awpa ta alei ry liata ama hmia pahly ha mah y.

ZAWBÂ 5:16

Chavâta sipasazy ta hnabeiseihna hnei ei ta, Adoleina cha hmaomopa ta a y.

ZAWBÂ 5:24

Na poh o cha â boh tahpa pahno aw chi ta, Na sahrohzy a ki leipa y aw veih ei.

HLAZY 1:6

Abeipa ta mosiapazy lâpi cha pahno ta, Hmoparaopazy lâpi deikua cha a leidia aw.

HLAZY 105:37

Chatawhcha Izarei cha tâkâ nata ngôh chhaota a chhi papua ta, Ama chizy hry liata a paopa y veih ei.

HLAZY 121:3

Ano ta na phei a chapia awpa pasaih leipa aw ta, Châ vaituhpa cha tlauah aw vei.

HLAZY 121:5

Abeipa cha châ vaituhpa châ ta, Abeipa cha na ku chachâh lâ châ pahlituhpa a châ.

HLAZY 121:8

Abeipa ta na puapa nata nâ ngiapa cha vaih aw ta, Tahmâ tawhta chhâzaw ta a cha vaih lymâ aw.

HLAZY 145:20

Abeipa cha ano kyh a pachâtuhpa zydua pabohsa ta, Hmoparaopazy deikua cha, A pahleipadia aw ei.

HLAZY 31:17

Hy Abeipa, nâ ei cha pado hih, Maophyuhpa ta na paysa khah y; Moleipazy cha maophyuhpa ta soh la, Sidiapa ta Athihkhih lâ sie mawh ei sy.

HLAZY 37:28

Abeipa cha ryureina dopa khoh ta, A mopathaihpazy a heihsai beih leipa ta, Chhâzaw ta a hrôbieh ei. Moleipa pathlazy deikua cha, Chhawh pathlahpa ama châ aw.

HLAZY 94:18

Ei phei a hluah ha khiah ma ei tah nota, Hy Abeipa, na kyhpachâna tleih beih leipa ta eina pathyu heih tyh.

HLAZY 97:10

Nâmo, Abeipa kyh a pachâtuhpa zydua saih u, Moleina a hao muh vy; Ano cha a mopathaihpazy hrona pabohsa ta, Hmoparaopazy ku tawhta a pachhatuhpa a châ.

BIESOZY 16:9

Chyhsapa palôh ta a lâpi pachâhpady ta, A lâsie a chhituhpa deikua cha Abeipa a châ.

BIESOZY 2:8

Adona lâpizy vaih ta, A mopathaihpazy hrozie a vaih tyh.

BIESOZY 3:26

Abeipa cha na riahphana châ aw ta, Na phei khoheih liata a ao awpa tawhta a vaih aw.

BIECHHOTUHPA 5:17

Cha dei châ vei, a hro chhôh noh zydua ta ruchhôpa nata pasapa nata hiehâhpa ta zohna liata pati a nie tyh.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ISAI 27:3

Kei, Abeipa he, kre sadô vaituhpa cha châ na ta, Buakha hâh lei ta ti bao na ta, Ahy hmahta ama parao lei nawpa ta, Chhô nah zâ ta ei vaih tyh.

ISAI 47:5

Hy Kaldia zuahnô y, A chalihpa ta a tyuh la, Zohna liata a ngia teh; Abeinarâhzy abeinô cha tah khao aw veih ei.

ZEREMIAH 8:14

Khazia eimâ tyuh ngâ thlâh ha tly i? A awpakhypa ta thokhy khihpizy liata a ngia sih la, Cha liata kei leidia ei suh u. Abeipa chô liata eima molei hapa vâta, Abeipa eima Khazohpa ta leidia awpa ta miah soh ha ta, Châmaih ti do awpa miah a pie ha hih.

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

NÂHU 1:8

Châhrasala tisaih patlôsa aw ta, A khakhaipazy a pahleipadia khai aw; A chariahpazy chhao, Zohna lâ a chadaipai khai aw ei.

ZEPHANIA 1:15

Cha noh cha hiehâhna noh châ aw ta, Nôpona nata pachârôhna noh a châ aw; Raona nata roryhrana noh châ aw ta, Zohna nata thohna noh a châ aw; Meihdo achhohna noh châ aw ta, Zoh kaluhna noh a châ aw.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

MALUHREINA 6:24

“Abeipa ta byhnâ cha pie ei sala, Cha vaih lymâ mawh ei sy!

MATHAI 8:12

Khinarâh sawzy hawhta â pachâpazy deikua cha, khôtho lâ zohna liata thypa châ aw ei ta, cha liata chana nata hâh chariehna a y aw,” tah ta.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

2 PITY 2:17

Cha chyhsazy cha ti a y leipa vahtiezy châ ei ta, thlihpipa ta a phao pahaipa ameihzy ama châ. Zohna chhakaluhpa nôpona cha âmo châta sopa a châ.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.

1 SAMUELA 25:26

Chavâta ei zibeipa y, tahmâ Abeipa hrona nata nâma hrona reipa ta ei reih. Abeipa ta thisaih palo awpa tawhta nata na chariahpazy chô liata nâma ku ta phuh la awpa tawhta cha pakhâ ha ta, chavâta na chariahpazy nata na chô liata hmo pha leipa tao a chhuahpazy cha Nâbâ hawhta châ mawh ei sy.