1 SAMUELA 2:4 - Mara Bible RV (BSI)

⁴ Thatlôpazy libaw thlie ta, Chiehleipazy tha a patlô tyh.

1 SAMUELA 2:4 ပူးပေါင်းရင်းမြစ်များ

HLAZY 18:39

Adyuhna châta thatlôna ta ei chai na saih chi ta, Nâ thyuhnaopazy ei ry liata na pazawh ei.

HLAZY 37:15

Ama zaozi ta âmo palôh chhô aw ta, Ama libaw thliepa a châ aw.

HLAZY 37:17

Moleipa bâhzy cha thliepa châ aw ta, Mosiapa deikua cha Abeipa ta khâchâ a patu aw.

HLAZY 46:10

“A chalih u la, Khazohpa ei châ tahpa pahno teh u. Phopizy hry liata cheihchalopa ta y aw na ta, Alei chô liana heta cheihchalopa ta ei y aw.”

HLAZY 46:9

Adyuhnazy khizaw kaokih taihta chalihsa ta, Libaw thliepa ta asei taipachhô ta; Talailihzy mei ta a rao khai ha tyh!

HLAZY 76:3

Cha liata châtai patliepazy thlie pachhô ta, Vyhphao, zaozi nata chariah chhaichhizy a thlie pachhô khai haw. Selah

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 40:29

Panaopa hnohta hmotaotheina pie ta, Chiehleipa châta thatlôna a papôh tyh.

ZEREMIAH 37:10

Châ dyuhtuhpa Kaldia pheisaih zydua pahnie khai ha u la, hmahphaohpazy deita ama poh o chhôh liata ama ypa chhao ta, vaw thyu aw ei ta khihpi he mei ta ama rao pyly aw.’”

ZEREMIAH 51:56

Babylaw cha paraotuhpa ta a vaw tlô thlu hai; A pasaiphazy patupa châ aw ei ta, Ama libawzy thlie pachhôpa a châ aw; Abeipa cha viari a thôpa Khazohpa châ ta, Viari a thô thlyu aw.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

EPHESI 6:14

Biehmeiseihpa ta nama chai a saih u la, siana chachôhna vyhphao a kypa ta a duah teh u.

PHILIPI 4:13

Tha nâ patlôtuhpa Krista liata ato ei tao thei.

HEBRAI 11:32

Khâpa eima reih khao aw? Kidia, Bâraka, Sâsawna, Zephathâ, Dâvi, Samuela nata hrohsopazy kyh reih aw sah la, daihti ta nâ daih aw vei.

HEBRAI 11:34

Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.