1 SAMUELA 2:35 - Mara Bible RV (BSI)

³⁵ Chatawhcha ei châta theihthaipa ngâchhihpa padua aw na ta, ano chata ei palôh liata nata ei pachâna liata hmo a ypa hawhta tao aw ta, chipathla a ipa ei paduapa awpa vâta a chi lei leipa aw ta, ei sathawthupa hmiakô liata chhâzaw ta a y aw.

1 SAMUELA 2:35 ပူးပေါင်းရင်းမြစ်များ

2 SAMUELA 7:11

Ei phopi Izarei chô liata ryureituhpazy ei raona daihti hawhna khata châ khao aw vei. Na chariah zydua tawhta ei cha pahâsa aw. Cha dei châ vei, Abeipa ta na pathlazy a cha paduapa aw tahpa ta Abeipa ta na hnohta a phuah.

2 SAMUELA 7:27

Hy Pheisaihzy Abeipa, Izarei Khazohpa y, nâma tlai ta, châ chakaotuhpa hnohta, ‘Chipathlazy ei cha paduapa aw,’ tahpa ta phuah ha chi ta, chavâta châ chakaotuhpa heta he thlahchhâna he na hnohta ei vaw tlôkhei ngâhpa a châ.

1 ABEIZY 1:45

theihthaipa Zadô nata hrohsopa Nâthâ ta Sawlawmaw cha bei châta Kihaw liata sathaw ama thu haw. Cha su tawhta thapha ngaitapa ta khy ei ta, cha chata khihpi chhôh a khaipalie ngâ kawpa a châ. Cha cha a pyu nama theipa cha a châ.

1 ABEIZY 1:8

Theihthaipa Zadô, Zehôdâ sawchapawpa Benai, hrohsopa Nâthâ, Simei, Rei nata Dâvi pasaiphazy deikua cha Adôniza chhâh a châ leipa ei ta.

1 ABEIZY 11:38

Bie ei cha piepa zydua nathliepa ta, ei lâpizy a chhihpa ta, nâ chakaotuhpa Dâvi taopa hawhta, ei bieraopazy nata ei biepiepazy zyhpa ta, ei mohmô liata hmo dopa na tao khiahta cha, na hnohta y aw na ta, Dâvi pathla ei paduapa hawhta, na pathla chhao padua aw na ta, Izarei he ei cha pie aw.

1 ABEIZY 2:35

Abei ta Zehôdâ sawchapawpa Benai cha, Zôabâ vyuhpa ta pheisaih hyutuhpa ta soh ta, abei ta Zadô cha Abiathâ vyuhpa ta theihthaipa ta a tao.

1 THÂTIHZYRONA 29:22

Cha noh ta Abeipa hmiakô liata thapha ngaitapa ta niepa ta doh ei ta. Chatanachata Dâvi sawchapawpa Sawlawmaw cha bei ta ama pa-i chanei heih. Sawlawmaw cha Abeipa châta ryureituhpa châta sathawthu ei ta, Zadô cha theihthaipa châta sathaw ama thu.

HLAZY 18:50

Abeipa cha ano paduapa bei hnohta pachhana rônahpa pie ta, A sathawthupa Dâvi nata a pathlazy chô liata, Zawngiahna chhâzaw ta a palâsa.

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

PUASAINA 1:21

Nawhpaytuhpazy chhao Khazohpa a chipa ama châpa vâta, Khazohpa ta chhôhkhazy a paduapa hra ei.

EZEKIA 34:23

Nâ chakaotuhpa Dâvi cha âmo vaituhpa ta soh aw na ta, ano ta âmo cha a pasa aw. Âmo cha pasa aw ta, âmo vaituhpa a châ aw.

MALUHREINA 25:13

A Khazohpa châta a hiatlia ta, Izarei sawzy châta chatlaina a taopa vâta, cha cha ano nata a hnôhlâ ta a pathlazy châta chhâzaw ta theihthaipa châna biehrai a châ aw,’” tah ta.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

1 SAMUELA 10:10

Tlâh ama tlô nahta, moh teh u, hrohsopazy py ta ano cha a vaw tyh ei ta, Abeipa thlahpa cha a chô liata thatlô ngaitapa ta vaw tlô ta, hrohsopazy hry liata a hlaopa ta hrohsona bie phuah lymâ hra ta.

1 SAMUELA 10:9

Sawla cha Samuela tawhta a siepata nahta, Khazohpa ta a pathipalôh panano ha ta, ngiana zydua chhao kha, cha noh lia tlai ta a vaw tlô khai haw.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.

1 SAMUELA 2:36

Na chipathla a hrohpa maihta tâkâ tlaw kha nata viahchhâ tlâ kha a hia awpa ta ano lâ pangai aw ei ta, a hnohta, “Viahchhâ tlawh kha chhâ nie awpa ei hnei thei nawpa ta, theihthaipa raihria kheihawhpa chhâ ma na pahriasa hra awpa ta ei châ haw,”’ ama tah awh,” tah ta.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.

1 SAMUELA 3:1

Hawtipa Samuela cha Eli hmiakô liata Abeipa chakao lymâ ta. Cha daihtizy liata cha, Abeipa bie sôh kaw ta, aluahna chhao y tu leipa ta.

1 SAMUELA 7:9

Samuela ta mietakutaw sâhpi a pazy haipa la ta, a pôhpa dua ta raopa hlâna ta Abeipa lâ hlâ ta. Chatawhcha Samuela ta Izarei châta Abeipa lâ thlahchhâ ta, Abeipa ta a chhy ta.

1 SAMUELA 8:3

Châhrasala a sawchapawzy ta ano lâpi a chhih leipa ei ta, sôh nata piah a chadai ei ta, panaopapanazy la ei ta, adona tleisaipa ta ryu ama rei tyh.

1 SAMUELA 9:12

Laihsazy ta a chhy ei ta, ama hnohta, “A y tlaih, nama hmiata liata a sie. A para teh u, tanoh cha su sâhpa liata atheihna hlâna noh a châpa vâta, tahmâ tlai kha khihpi liata a vaw tlô.

1 SAMUELA 9:13

Khihpi namâ ngiapa nahta, su sâhpa liata pati nie awpa ta a khy hlâta, ano cha thlai nama hmô aw. Atheihna châta byhnâ a aw ha tua awpa a byuhpa vâta, ano a tlô hlâlei cha zawpi ta pati nie aw veih ei. Cha khai tawhta hrua eihpazy ama nie tyh. Chavâta khy para u la, thlai nama hmô aw,” tah ei ta.