1 SAMUELA 2:3 - Mara Bible RV (BSI)

³ “A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.

1 SAMUELA 2:3 ပူးပေါင်းရင်းမြစ်များ

1 ABEIZY 8:39

na pahrâna su vârâh liata vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathla zydua palôh a pahnotuhpa châ tlôh chi ta.

ZAWBÂ 31:6

Pathliahna dopa ta na pathliah ei sala, Ei dona cha Khazohpa ta pahno mawh sy!

HLAZY 147:5

Eima Beipa cha rônah ta, Hmotaotheina lai ngaitapa a hnei; A novâhna thlie thei awpa châ vei.

HLAZY 17:10

Thapasana kyh liata ama palôhzy khaw ei ta, A khotlâh kawpa ta ama pakah ta bie ama reih tyh.

HLAZY 31:18

Hmao haiphiahpazy reihpathlie thei leipa ta y mawh ei sy; Haiphiahpazy cha apalaina nata mohnaona ta bie ei ta, Mosiapazy a reipachhie tyhpa ama châ.

HLAZY 44:21

Khazohpa ta hmô aw vei ma? Ano cha palôh liata bieru chhao, A pahno theipa châ tlôh ta.

HLAZY 75:5

Nama ki â sâhpa ta chaluah leipa u la, Nama rao pachhuapa ta bie reih khuh vy,” tah chi ta.

HLAZY 94:4

Akhotlâh kawpa ta bie reih ei ta, Hmoparaopazy amâ palai ngaita.

BIESOZY 16:2

Ano mo liata cha chyhsa ta a hrozie zydua a pathaihpa hawhta hmô ta, Abeipa deikua cha palôh kho a pathliah tyh.

BIESOZY 24:12

“Pachâ teh, he hmo he pahno ma pi,” Na tah khiahta cha, Palôh khopathliahtuhpa ta pahnopa ta, Na hro a vaotuhpa ta pahno thlâh ha ta, Chyhsa to ama hmotaopa lymâ hawhta viari a thô aw ei.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

ISAI 26:7

Mosiapa lâpi cha a raih ta, Hy Khazoh Siapa, nâma tlai ta Mosiapa lâpi cha na patlâsa tyhpa a châ.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

EZEKIA 35:13

Na pakah ta ei chô liata nâ palai thlupa ta, keima chakhiana bie hluhpi reih chi ta, ei thei khai haw.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

DÂNIAH 5:27

TEKEL, khopathliahpa châ chi ta, tloh khao va chi.

MALAKHAI 3:13

“Eina chakhiana ei chi biezy a pasa ngaita,” Abeipa ta a tah. “Châhrasala nâmo ta, ‘Kheihta ma nâma chakhiana biezy cha eima reih?’ nama tah.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

ZAWSUA 22:22

“Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

RYUREITUHPAZY 9:38

Zebula ta a hnohta, “Abimele cha ahy ma a châ tly? Khazia ano cha eima chakao aw, na tah vei ma kha? Tahmâ he na pakah khataih lâ a vaw haw? Âmo cha na mohnao kawpa phopi kha châ veih ei ma? Tahmâ pua la, a kei dyuh châh chi,” tah ta.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.