1 SAMUELA 2:20 - Mara Bible RV (BSI)

²⁰ Eli ta Elkânâ nata a lapinô cha byhnâ awpa ta, “He chanô ta Abeipa lâ a hlâ hapa vyuhpa ta, ano liana heta Abeipa ta saw hropazy cha pie mawh ei sy,” tah ta. Cha khai tawhta ama o lâ a lie ha ei ta.

1 SAMUELA 2:20 ပူးပေါင်းရင်းမြစ်များ

ÂTHAONA 14:19

Melkizade ta Abarâ cha byhnâ awpa ta, “Lei nata vâ hneituhpa Khazohpa Chônôchaipa ta, Abarâ cha byhnâ pie mawh sy!

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

LUKA 2:34

Simeôna ta âmo cha byhnâ awpa ta, a nô Mâri hnohta, “Pachâ teh, he hawti he Izarei hry liata chyhsa hluhpi paona nata thyuna châta raopa a châ. Ano cha ngiana châ aw ta, chyhsa hluhpi ta ama reipachhie aw.

RUTHI 2:12

Na hmotaopazy cha Abeipa ta cha thô sala, nâ boh nawpa ta a mathlaw ry liata nâ vaw ngiapa Abeipa Izarei Khazohpa ta lymâ kipa cha pie mawh sy!” tah ta.

RUTHI 4:11

Khihpi hawka liata zawpi zydua nata machâzy ta, “Pahnokheituhpazy eima châ. Na o liata chanô a vaw ngiapa cha, Izarei phopi hmaohkha ta a paduapa Râkheli nata Liah hawhna khata Abeipa ta tao mawh sy. Ephrâthâ liata na nohâh y sala, Bethlehe liata na moh pathâh mawh sy.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.