1 SAMUELA 2:14 - Mara Bible RV (BSI)

¹⁴ beih pakah kawhpa tlyma, keli tlyma, ukâ tlyma, beih tlyma chhôh lâ za dy ta, thua ku ta a thaopa zydua cha theihthaipa ta ano châta â la tyh. Cha hawhna chata Silô lâ a vypa Izarei saw zydua chô liata ama tao lymâ.

1 SAMUELA 2:14 ပူးပေါင်းရင်းမြစ်များ

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

THEIHTHAINA 7:34

Izarei sawzy aryhna hlâna atheihna sazy tawhta a palôh chaluahpazy nata a phei chalopazy la na ta, theihthaipa Arawna nata a sawchapawzy hnohta ei pie. Cha cha Izarei sawzy tawhta chhâzaw ta ama tovyuh a châ aw,” tah ta.

MIKÂ 3:3

Nâmo, ei phopi sa nie ei chi ta, Ama vo pahluh ta ama ruzy thliepachhôpa ta, Beih liata chho awpa sa hawhta, Sa chhona beih liata sa hawh tlai ta Ei phopi a pachhaih khaipazy saih u, Adona cha nama pahno awpa châ vei ma?

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

1 SAMUELA 2:13

He he Eli sawchapawpa theihthaipazy ta zawpi chô liata ama tao tyhzie a châ: Chyhsa ta atheihna a hlâ tita, sa ama chhopa â tlao ngâ nota, theihthaipa chakaotuhpa cha sa thaona thua kuparo miathôh a hneipa a chabapa ta a vy ta,

1 SAMUELA 2:15

Cha dei châ vei, a thaw ama rao hlâta, theihthaipa chakaotuhpa a vy ta, atheihna a hlâ ngâpa hnohta, “Theihthaipa châta rao awpa sa na pie teh. Sa pasyupa cha châ pyhpa aw vei, a heipa a khoh,” a tah tyh.

1 SAMUELA 2:29

Cha hawhta a châ nota, khazia ma ei pahrâna su châta bie ei piepa atheihna nata hmohlâpazy mohnao ei chi ta, kei hlâta na sawchapawzy palyupalih viapa ta, ei phopi Izarei sawzy hmohlâpa to tawhta a pahâh chaipazy cha nâmo a pathawhna châta nama hmâh?