1 SAMUELA 2:1 - Mara Bible RV (BSI)

¹ Chatawhcha Hânâ cha hetana heta thlahchhâ ta, “Abeipa liata ei palôh a ly ta, Abeipa liata ei ki chaluahpa ta a y. Na pachhana liata ei lypa vâta, Ei chariahpazy chô liata ei pakah a kawh thei bâ aw.

1 SAMUELA 2:1 ပူးပေါင်းရင်းမြစ်များ

2 THÂTIHZYRONA 20:27

Chatanachata Zudâh nata Zerusale chyhsa zydua cha, Zehôsaphâ chhihthana ry liata thapha ngaitapa ta Zerusale lâ a lie ei ta. Ama chariahzy kyh liata Abeipa ta thapha ngaitapa ta a paysa ha ei.

NEHEMIAH 11:17

Mikâ sawchapawpa Mâtaniah chhao Zerusale liata a pahrâ. Mâtaniah cha Zabidi sawchapawpa châ ta, Zabidi cha Asâpha sawchapawpa a châ. Asâpha cha reithaina hla chhituhpa châ ta, alyna bie a reih tyhpa a châ. A pilâhpazy hry liata a panona Bâbukiah nata Sâmua sawchapawpa Abadâ zy chhao Zerusale liata ama pahrâ hra. Sâmua cha Kalâ sawchapawpa châ ta, Kalâ cha Zeduthu sawchapawpa a châ.

ZAWBÂ 16:15

Ei vo chô liata latho poh bieh na ta, Dohlei liata ei tha ei soh.

HLAZY 118:14

Abeipa cha ei thatlôna nata ei hla châ ta, Ei pachhana a vaw châ haw.

HLAZY 13:5

Châhrasala kei la na ngâchhihna ngâ na ta, Na pachhana liata ei palôh â ly aw.

HLAZY 148:14

A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 20:5

Na pachhana liata a lypa ta awh sih la, Eima Khazohpa moh ta pahniena pohrai chaluahpa ta, Abeipa ta na hiapa zydua hlao cha patloh mawh sy!

HLAZY 21:2

A palôh khopa pie chi ta, A hmao ta a hiapa thlyu va chi. Selah

HLAZY 35:9

Chatawhcha Abeipa liata ei hro a ly aw ta, A pachhana liata a tha a pha aw.

HLAZY 51:15

Hy Abeipa, ei hmaozy pahy la, Ei pakah ta na reithaina a phuah aw.

HLAZY 71:8

Ei pakah he nâma reithaina ta bie ta, Nâma palyupalihna ta noh y ta a bie.

HLAZY 75:10

Moleipa ki zydua tai pachhô aw na ta, Mosiapazy ki deikua cha chaluahpa a châ aw.

HLAZY 89:17

Nâ cha ama thatlôna rônahna châ chi ta, Na khokheina vâta eima ki cheihchalopa ta a y.

HLAZY 89:18

Eima vyhphao cha Abeipa eih châ ta, Eima bei cha Izarei Mo Pathaihpa eih a châ.

HLAZY 89:24

Ei ngâchhihna nata ei kyhpachâna a hnohta y aw ta, Ei moh vâta a ki cheihchalopa ta a y aw.

HLAZY 9:14

Chatanachata nâma reithaina phuah aw na ta, Zaio sawchanô chhikaozy liata, Na pachhana ei ly aw.

HLAZY 92:10

Keima ki deikua cha, Chaoliah tôhpa ki hawhta cheihchalo chi ta, Sathaw thiehpa eina thu chi.

PUASAINA 15:1

Chatawhcha Mawsi nata Izarei sawzy cha Abeipa palyupalihpa ta he hla he sa ei ta. “Abeipa lâ hla ei sa aw, Rônahpa ta pahnie ta, Arâ nata a kiahtuhpa tilaipi chhôh lâ a thy hapa vâta.

PUASAINA 15:21

Miria ta, “Abeipa lâ hla sa teh u, Rônahpa ta pahnie ta; Arâ nata a kiahtuhpazy Tilaipi lâ a thy ha ei,” tahpa ta hla ta a chhihtha.

HABAKU 3:1

He he hrohsopa Habaku thlahchhâna châ ta, Sikiônô aony ta rei awpa a châ.

HABAKU 3:18

Abeipa liata a ly aw na ta, Ei pachhana Khazohpa liata khâ ei ly aw.

LUKA 1:69

A chakaotuhpa Dâvi pathla hry tawhta, Pachhana ki miah a chaluahpa haw.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

RYHPACHANEINA 33:17

Zawsi cha viahchao pataw tuapa tôhpa hawhta rônah ta, A kizy chaoliah tôhpa ki hawhta a châ; A ki ta phopizy tôh aw ta, Ama zydua ta alei chhâna taih a tôh pathlah aw ei. Âmo cha Epharai thy hluhpi châ ei ta, Manase sâh hluhpizy ama châ.”

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

PHILIPI 4:4

Abeipa liata khâ a ly teh u; ei tah heih aw, a ly teh u.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

1 SAMUELA 1:6

Hânâ cha Abeipa ta a chhi a khaw hapa vâta, Elkânâ lapinô hropa ta ano cha pasipasawhpa ta a hmia thata pachhie tyh ta.

1 SAMUELA 1:7

Cha hawhna chata kô chareih tao ngâ thlâh ha tyh ta. Abeipa o lâ a khyna maih liata a pachâ a parôhsa ngaita tyh. Chavâta Hânâ cha thata cha tyh ta, pati chhao nie thei khao tyh vei.