1 SAMUELA 19:7 - Mara Bible RV (BSI)

⁷ Zawnathâ ta Dâvi cha aw ta, hmo zydua chho ta. Dâvi cha Sawla lâ a chhi ta, abei hnohta a y tyhpa hawhna khata y heih ta.

1 SAMUELA 19:7 ပူးပေါင်းရင်းမြစ်များ

ÂTHAONA 31:2

Zakaw chhao ta Lâbâ hmia moh pasia ta, hnôhlâ daihti hawhta a chô liata â ly khao leizie hmô ta.

1 THÂTIHZYRONA 11:2

Sawla â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa na Khazohpa ta na hnohta, ‘Ei phopi Izarei vaituhpa châ aw chi ta, ei phopi Izarei chô liata bei ta na y aw,’ a cha tah,” tah ei ta.

PUASAINA 4:10

Châhrasala Mawsi ta Abeipa hnohta, “Hy ei Beipa, kei la pakah paleih thaipa châ leipa na ta, khahlâ tawhta nata châ chakaotuhpa hnohta bie na reih tawhna chhao heta, kahchôleiâpa nata reikah sôpa châ tlôh na ta,” tah ta.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

1 SAMUELA 16:21

Dâvi cha Sawla kô kei tlô ta, Sawla rai hria awpa ta a ngia ha ta. Sawla ta Dâvi cha khoh kaw ta, a chariah chhaichhi a chabatuhpa ta y ta.

1 SAMUELA 18:10

A mylâ ta Khazohpa tuapa thlahpa chhiepa cha Sawla chô liata vaw tlô ta, o chhôh liata thata a chiaburâh ta. Dâvi cha noh hro ta a tao tyhpa hawhta, to ta tô heih ta. Sawla cha a ku liata asei a chaba thlâh ha ta.

1 SAMUELA 18:13

Chavâta Dâvi cha Sawla ta ano tawhta pasiesa ta, pheisaih sâh kha hyutuhpa ta tao ta. Chatanachata Dâvi cha pheisaihzy hnohta a pahlaopa ta âmo cha chhihtha ta.

1 SAMUELA 18:2

Cha noh tawhta Sawla ta Dâvi cha a hnohta paysa pâ ha ta, a paw o lâ â di awpa pasaih khao vei.

1 SAMUELA 19:6

Sawla ta Zawnathâ bie cha nathlie ta, “Abeipa hrona reipa ta ei reih, ano cha thiepa châ aw vei,” tahpa ta bie a taih ta.

1 SAMUELA 19:8

Adyuhna vaw y heih ta. Dâvi cha pua ta, Philistinâ mo cha a kei dyuh ta, thata thie ta, a hmiakô liata a râpai ei ta.