1 SAMUELA 19:5 - Mara Bible RV (BSI)

⁵ A hrona sokhâhpa ta Philistinâ chyhsa kha thie ta, Abeipa ta Izarei zydua châta pachhana rônah ngaitapa a tao. Cha cha nâ chhao ta hmô chi ta, nâ ly ngaitapa kha a châ. Khazia a chhâpa y leipa ta Dâvi cha thie aw chi ta, mosiapa thisaih chô liata moleina na tao aw?” tah ta.

1 SAMUELA 19:5 ပူးပေါင်းရင်းမြစ်များ

2 SAMUELA 23:10

Eliaza cha thyu ta, a ku a si khai hana taihta nata a ku zaozi liata â baipâ khai hana taihta Philistinâ mo thie ta, cha noh liata Abeipa ta pahniena rônahpa patlôsa ta, zawpizy cha athipazy hrao awpa deita ta Eliaza lâ â lie heihpa dei ama châ.

1 THÂTIHZYRONA 11:14

Eliaza deikua cha, lyu liah liata a duah ta, khâchâ vaih ta, Philistinâ mo cha thie ta, Abeipa ta pahniena rônahpa ta a pachha ei.

1 THÂTIHZYRONA 11:18

Pasaipha pathôhzy ta Philistinâ pheisaihzy riehmo siepahliepa ta, thokhy chhikao kiapâh liata Bethlehe tikhaoh ti cha kei thaih ei ta, Dâvi lâ vaw cheih ei ta. Châhrasala doh ngâh khao leipa ta. Abeipa châta tlao patlai ta,

HLAZY 109:5

Hmo phapa cha hmo chhiepa ta na thô ei ta, Ei kyhpachâna ahaona ta eina thô ei.

HLAZY 119:109

Ei hrona he ei ku liata a y tyhpa chhao ta, Na ryhpa deikua cha my beih va na.

HLAZY 25:3

Nâma châ hâtuhpazy cha, Maophyuhpa ta y leipa aw ei ta, Piehpie aohraohpazy deikua cha, Maophyuhpa ta ama y aw.

HLAZY 69:4

A chhâpa y leipa ta nâ haotuhpazy cha, Ei luh liata ei sâzy hlâta hluh via ei ta, Parao awpa ta haipa ta nâ teituhpazy chhao, Ama thatlô ngaita. Khâpa hmo ma ei paru tly, Tahmâ ei thô heih awpa cha?

HLAZY 94:21

Mosiapa hrona pahlei a chhuahpa ta a paraoh ei ta, Moleina a hnei leipa thisaih cha thailei ama pachâsa tyh.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

ZEREMIAH 26:15

Eina thie khiah ei chi ta cha, thaileina a hnei leipa thisaih cha, nâmo nata he khihpi nata a khihsawzy chô liata nama patlôsa aw tahpa deikua a siapa ta pahno muh vy. Abeipa ta na ngâ ta, he bie zydua he nama nah theina liata reih awpa ta eina tuapa châ tlôh ta,” tah ta.

MATHAI 27:24

Pilâ ta khâpa hmahta tao thei leipa ta, tlao â tymâ via rilipa a hmô nahta, ti la ta, zawpi hmiakô liata a ku a si ta, “He chyhsa siapa thisaih liana heta ei pathaih na, nâmo tao ta tao teh u,” tah ta.

MATHAI 27:4

Ama hnohta, “Pei hria leipa thisaih ei paphasaipa vâta, ei vaw molei haw,” tah ta. Âmo ta, “Cha cha keimo châta khâpa a pei aw? Nâma tao ta tao teh” tah ei ta.

ZAWHÂNA 15:25

Ama ryhpa châbu liata, ‘A chhâpa y leipa ta einâ hao ei,’ tahpa bie ropa kha a vaw tlô nawpa ta a châ.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

PHILIPI 2:30

Nâmo ta eina deichhy awpa vyuhpa nata namâ phahlanazy pabie awpa ta, a hrona sokhâhpa ta na chakao ta, Krista raihria vâta a thi daihmâpa a châ.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

RYUREITUHPAZY 12:3

Na pachha khoh veih ei chi tahpa ei pahno nahta, ei ku liata ei hrona sopa ta Amawna mo a dyuh awpa ta sie na ta, Abeipa ta âmo cha ei ku liata eina piepa ei a châ. Khazia ma tanoh he nâ dyuh awpa ta eina vaw siehnao thlâh ha ei chi?” tah ta.

RYUREITUHPAZY 9:17

Ei paw ta chariah châ dyuhpa ei ta, a hrona sokhâhpa ta Midia ku tawhta a cha pachha ei.

1 SAMUELA 11:13

Châhrasala Sawla ta, “Tanoh hawhpa liana heta la ahy hmahta thie awpa châ vei, tanoh he Abeipa ta Izarei a pachhana noh a châ hih,” tah ta.

1 SAMUELA 14:45

Châhrasala zawpizy ta Sawla hnohta, “He pachhana rônah ngaitapa Izarei hry liata a vaw tlôkheituhpa Zawnathâ he a thi aw ma? Châ bao va! Abeipa hrona reipa ta eima reih, a sâbu miakha chhao alei liata a tla awpa châ vei. Tanoh he ano cha Khazohpa a hrialâhpa a châ hih,” tah ei ta. Zawpi ta Zawnathâ cha pachha ha ei ta, thiepa châ khao vei.

1 SAMUELA 19:6

Sawla ta Zawnathâ bie cha nathlie ta, “Abeipa hrona reipa ta ei reih, ano cha thiepa châ aw vei,” tahpa ta bie a taih ta.

1 SAMUELA 20:32

Zawna­thâ ta a paw Sawla cha a chhy ta, a hnohta, “Khazia ma Dâvi cha thie awpa a châ tly? Khâpa ma a tao haw?” tah ta.

1 SAMUELA 22:14

Ahimele ta abei cha a chhy ta, “Châ chakaotuhpa zydua hry liata, abei piahpa Dâvi hawhta ngâchhihpa chyhsa he ahy ma a y? Ano cha na pheisaih hyutuhpa châ ta, na o liata chyhsazy ta ama za ngaitapa châ vei ma?

1 SAMUELA 28:21

Chanô cha Sawla lâ a vy ta, a chi ngaita tahpa a hmô nahta, a hnohta, “Nathlie teh, châ chakaotuhnô he na rei châ ngiah na ta, ei hnohta bie na reipazy kha ei hrona sokhâhpa ta ei nathliepa a châ.