1 SAMUELA 19:4 - Mara Bible RV (BSI)

⁴ Zawnathâ ta a paw Sawla hnohta Dâvi cha reithai ta, a hnohta, “Bei heta a chakaotuhpa Dâvi chô liata hmo moleipa tao cheita khah sy. Na chô liata moleina tao beih leipa ta, a hmotaopazy ta na châta phana tlao a vaw tlôkhei tyh hri hih.

1 SAMUELA 19:4 ပူးပေါင်းရင်းမြစ်များ

ÂTHAONA 42:22

Rubena ta âmo cha a chhy ta, “Hawtipa chô liata hmo parao lei awpa ta cha chho veih ei na mâ? Nama nathlie khoh leipa kha. Chavâta a thisaih phuh lapa a châ ha tlai hih,” tah ta.

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

2 THÂTIHZYRONA 6:22

“Chyhsa ahy tlyma a vaih chô liata hmo a paraopa vâta bie pataihsa awpa byuh sala, he o lâ a vypa ta na maisâh hmiakô liata bie â taih khiahta cha,

HLAZY 35:12

Phana cha chhiena ta na thô ei ta, Ei hro rie a thei ngaita.

HLAZY 59:4

Ei taopasi leipa chhao ta, Na tei awpa ta a râ ei ta, Amâ kei chhuanoh. A hra la, na bao awpa ta a vy la, moh tua.

BIESOZY 17:13

Chhiena ta phana a thôtuhpa cha, Hmo phaleipa ta a o puasai aw vei.

ZEREMIAH 18:20

Hmo phapa cha hmo chhiepa ta viarithô awpa a châ ma? Âmo deikua cha ei hrona teipa ta khaohtlô ama chao. Na pathiiana âmo tawhta a pai thei nawpa ta, Na hmiakô liata a duah na ta, Âmo châta reih pha ei chei tyhpa kha a thei mah y.

1 KAWRINI 8:12

Cha hawhta unawhzy chô liata molei ei chi ta, ama chhie nata pha pahnona chiehlei nota hmah nama paphao lao heihpa cha, Krista chô liata hmo a paraopa nama châ.

1 ZAWHÂNA 3:15

Ahy rai a unawhpa a haopa cha lianycheihpa châ ta, lianycheihpa ahy hmah chhâzaw hrona a chakaihpa y veih ei tahpa nama pahno.

1 SAMUELA 2:25

Chyhsa ta chyhsa chô liata a molei khiahta cha, Khazohpa ta paryhkhei aw ta, chyhsa ta Abeipa chô liata a molei khiahta cha, ahy ma a paryhkhei khao aw?” tah ta. Châhrasala Abeipa ta âmo cha thie â chhuah hapa vâta, ama paw bie cha nathlie khoh pyly veih ei.

1 SAMUELA 20:32

Zawna­thâ ta a paw Sawla cha a chhy ta, a hnohta, “Khazia ma Dâvi cha thie awpa a châ tly? Khâpa ma a tao haw?” tah ta.

1 SAMUELA 22:14

Ahimele ta abei cha a chhy ta, “Châ chakaotuhpa zydua hry liata, abei piahpa Dâvi hawhta ngâchhihpa chyhsa he ahy ma a y? Ano cha na pheisaih hyutuhpa châ ta, na o liata chyhsazy ta ama za ngaitapa châ vei ma?