1 SAMUELA 19:20 - Mara Bible RV (BSI)

²⁰ Dâvi patu awpa ta Sawla ta chyhsazy tuah ta. Hrohsopazy ta hrohsona bie ama phuah ngâpa nata cha liata Samuela cha ama hyutuhpa ta â duapa ama hmô nahta, Sawla chyhsa tuapazy chô liata Khazohpa Thlahpa vaw tlô ta, âmo chhao chata hrohsona bie cha phuah lymâ ha hra ei ta.

1 SAMUELA 19:20 ပူးပေါင်းရင်းမြစ်များ

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

MALUHREINA 24:2

Bâlâma cha mohmia pasaih ta, Izarei sawzy a chi chi ta riehmo ama paryhpa hmô ta. Khazohpa Thlahpa a chô liata vaw tlô ta,

ZAWHÂNA 7:32

Zisu kyh liata zawpi a chiaburâhpa cha Phârisaihzy ta thei ei ta, chatanachata theihthai beizy nata Phârisaihzy ta Zisu patu awpa ta vaituhpazy tuah ei ta.

1 KAWRINI 14:3

Biechhotuhpa deikua cha, chyhsazy hnohta taopathina bie, pasyuna bie nata thlapalôhna biezy a reih tyh.

1 SAMUELA 10:10

Tlâh ama tlô nahta, moh teh u, hrohsopazy py ta ano cha a vaw tyh ei ta, Abeipa thlahpa cha a chô liata thatlô ngaitapa ta vaw tlô ta, hrohsopazy hry liata a hlaopa ta hrohsona bie phuah lymâ hra ta.

1 SAMUELA 19:11

Sawla ta Dâvi cha my ta thie awpa a chhuah ta, a byh awpa ta a o lâ chyhsazy tuah ta. A lapinô Mikâli ta Dâvi hnohta, “Tazâ he na hrona pabohsa awpa ta nâ râ leipa khiahta la, mylâ cha thiepa na châ aw,” tah ta.

1 SAMUELA 19:14

Dâvi patu awpa ta Sawla ta chyhsazy a vaw tua nahta, Mikâli ta, “Tlâh vei,” tah ta.

1 SAMUELA 19:19

Chatawhcha Sawla hnohta, “Moh teh, Dâvi cha Râmâ khih liata Naiô liata a y,” tahpa ta chho ei ta.

1 SAMUELA 19:21

Cha cha Sawla ama chho nahta, mohropa tuah heih ta, âmo chhao ta hrohsona bie phuah ha heih hra ei ta. Sawla ta a ei thôhna ta chyhsazy tuah heih ta, âmo chhao chata hrohsona bie cha phuah ha heih hra ei ta.