1 SAMUELA 18:8 - Mara Bible RV (BSI)

⁸ Sawla cha a hiehâh ngaita ta, cha hla biezy chata palysa lei kaw ta. “Dâvi cha a thy patosa ei ta, kei cha a sâh deita eina patosa ei, khinarâh tah leipa ta cha, a to awpa hropa khâpa a y khao,” tah ta.

1 SAMUELA 18:8 ပူးပေါင်းရင်းမြစ်များ

ÂTHAONA 37:11

A unawhzy ta a chô liata ama hiatlia kaw ta, a paw deikua ta, cha hmozy cha a palôh liata a vao thlâh ha ta.

ÂTHAONA 37:8

A unawhzy ta a hnohta, “Nâ bao hra heta eima chô liata ryu na reih aw mâ? Nâ bao hra heta eima chô liata bie na hnei aw ma?” tah ei ta. A mâsapazy nata a biereipazy vâta ano cha a hao via rili ei ta.

1 ABEIZY 2:22

Bei Sawlawmaw ta a nô cha a chhy ta, a hnohta, “Kheihtazie ta ma Sunâ zuah Abisâ cha Adôniza châta na vaw hia thlâh haw? Adôniza cha bei pachâsa awpa ta hiapa lâlao châh chi, ano cha ei uhta a châpa he! Theihthaipa Abiathâ nata Zeru sawchapawpa Zôabâ zy chhao ano chhâh a châhpa ama châpa kha,” tah ta.

ESTHERI 3:5

Môdekai ta a hmiakô liata â bôh leipa nata â naoh leipa Hâmâ ta a hmô nahta, Hâmâ cha hiehâhna ta bie ta.

BIESOZY 13:10

Apatahsana cha ahryuna dei papua ta, Pachâna a latuhpazy deikua cha sona ama hmô tyh.

BIESOZY 27:4

Hiehâhna cha a nôchhie ta, pathiiana chhao â tlao, Châhrasala ahy ma hiatliana hmiakô liata a duah thei aw?

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

MALUHREINA 11:1

Zawpi ta rairuna amâ tyhpazy vâta Abeipa theina liata paphôh ei ta. Cha cha Abeipa ta a thei nahta, a hiehâh ta. Chatanachata Abeipa mei ama hry liata vaw pua ta, ama riehmo chaki liata su thokhazy vaw kâ ta.

MALUHREINA 22:34

Bâlâma ta vâlyuhchâpa hnohta, “Ei vaw molei ha na. Na pakhâ awpa ta lâpi liata nâ vaw duah tahpa ei pahno leipa vâta a châ. Chavâta ei sie awpa he na hmiakô liata hmo pha leipa a châ khiahta cha, tahmâ he ei kua aw,” tah ta.

ZÂMIE 4:5

Biehrai ta, “Keimo liata pahrâ awpa ta a taopa thlahpa cha tlaichhai ta a hiatlia ngaita,” a tahpa he achhuahna y leipa ta a reipa a châ na ta nama pangiasa ma?

1 SAMUELA 13:14

Châhrasala tahmâ cha na khinarâh he a duah parei khao aw vei. Abeipa ta bie a cha piepa na zyh leipa vâta, Abeipa ta ano palôh a phaohpa chyhsa tlua ta, a phopi chô liata a bei awpa ta Abeipa ta ano cha a rao haw,” tah ta.

1 SAMUELA 15:28

Samuela ta a hnohta, “Tanoh tawhna heta Abeipa ta Izarei khinarâh cha nâma tawhta la ha ta, nâma hlâta a pha viapa, na opapa hnohta a pie haw.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.

1 SAMUELA 18:9

Cha noh tawhta cha, Sawla ta Dâvi cha mohpahroh ha ta.

1 SAMUELA 19:1

Sawla ta a sawchapawpa Zawnathâ nata a chakaotuhpa zydua cha Dâvi thie awpa ta chho ta. Châhrasala Sawla sawchapawpa Zawnathâ ta Dâvi cha khoh kaw ta.

1 SAMUELA 20:31

Zese sawchapawpa he alei liata a hro chhôh zydua cha, a duah thei aw va chi. Nâ beinarâh chhao a duah thei aw vei. Chavâta tahmâ chyhsa tuah la, kei lâta a vaw chhi teh, a thi thlyu awpa a châ,” tah ta.