1 SAMUELA 18:5 - Mara Bible RV (BSI)

⁵ Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.

1 SAMUELA 18:5 ပူးပေါင်းရင်းမြစ်များ

ÂTHAONA 39:23

Abeipa cha Zawsi hnohta y ta, a hmotaopa maih liata Abeipa ta hlaotlohna a pie lymâpa vâta, Zawsi ku liata maophaohna piepazy cha, patâhna o vaituhpa ta mokhei khao vei.

2 SAMUELA 5:10

Dâvi cha Zehôvâh, Pheisaihzy Khazohpa ta a hnohta a ypa vâta rônah via lymâ ta.

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

2 THÂTIHZYRONA 17:3

Zehôsaphâ cha a pathlatuhpa Dâvi lâpi â chhih hrapa vâta, a hnohta Abeipa y ta. Bâlâ khazohzy tlua leipa ta,

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 101:2

Phapakipa ta hro ei chhuah aw, Khati ta kei lâ nâ vy aw? Palôh dopa phaopa ta, Ei o liata ei vaw y aw.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

HMOTAOPAZY 7:10

a riethei taona zydua liata pachha lymâ ta, Izi bei Phiraoh hmiakô liata khokheina patosapa ta, sona ta tobi ta. Chatanachata Phiraoh ta Zawsi cha Izi râh chô liata ryureituhpa nata ano chhôhkha zydua chô liata ryureituhpa ta tao ta.

EPHESI 5:17

Chavâta hru leipa u la, Abeipa khopa khâpa ma a châ tahpa tlao pahno teh u.

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.

RYUREITUHPAZY 1:19

Abeipa cha Zudâh pathlazy hnohta y ta, chatanachata tlâh râh liata pahrâpazy papua khai ei ta, by liata pahrâpazy deikua, thua talailihzy ama hneipa vâta papua thei veih ei.

1 SAMUELA 13:2

Sawla ta Izarei pheisaih 3,000 a tlyh ta. Pheisaih 2,000 Mikamâ nata Bethel tlâh râh liata Sawla hnohta y ei ta, pheisaih 1,000 Benzami râh Kibia liata Zawnathâ hnohta y ei ta. Ahropazy deikua cha ama poh o lâ chyu ta padisa khai ta.

1 SAMUELA 14:52

Philistinâ mo nata Izarei mo cha Sawla hro chhôh zydua ta thata a dyuh ei ta, chavâta Sawla ta chyhsa thatlôpa nata riahphapa a hmôpa maih cha a pheisaih châta a la lymâ ei.

1 SAMUELA 18:16

Châhrasala Dâvi cha ama hnohta a pahlaopa ta âmo a chhihthapa vâ ei ta, Izarei nata Zudâh zydua ta a kyhpachâ ngaita ei ta.

1 SAMUELA 18:30

Philistinâ pheisaih hyutuhpazy ta a dyuh awpa ta vaw pua tyh ei ta, ama vaw puana maihta Dâvi cha Sawla chakaotuhpa zydua hlâta a hlaotloh via lymâ ta, chavâta a moh pathâh ngaita ta.

1 SAMUELA 18:4

Zawnathâ ta poh â bupa hlai ta, Dâvi pie ta, a chariah chhaichhi, a zaozi, a libaw nata a chaisaih taihta pie ta.

1 SAMUELA 18:6

Adyuhna tawhta a vaw lie ei ta, Dâvi chhao Philistinâ chyhsa a thie khai tawhta vaw tlô hra ta, Izarei khihpi zydua tawhta chanôzy vaw pua ei ta, hla sapa nata lâna chôta, khohzy, alyna hlazy nata pyungiapa chhaichhizy chhaota bei Sawla cha vaw dy ei ta.

1 SAMUELA 3:19

Samuela cha laiseih lymâ ta, a hnohta Abeipa y ta, a bie reipazy leilô liata a pailyupa y vei.