1 SAMUELA 18:4 - Mara Bible RV (BSI)

⁴ Zawnathâ ta poh â bupa hlai ta, Dâvi pie ta, a chariah chhaichhi, a zaozi, a libaw nata a chaisaih taihta pie ta.

1 SAMUELA 18:4 ပူးပေါင်းရင်းမြစ်များ

ÂTHAONA 41:42

Phiraoh ta a moh chahnaona kusadi a ku tawhta pahluh ta, Zawsi ku liata paky ta, lini chysia rônahpa ta tobi ta, a rao liata ngôh pachhih paao ta.

2 SAMUELA 1:22

“Hmaphaohpazy thisaih tawhta, Pasaiphazy thaw tawhta, Zawnathâ libaw kua beih leipa ta, Sawla zaozi chhao a ruapa ta a lie beih vei.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

EZEKIA 23:15

Cha nothlahpazy cha ama chai liata chaisaih a saihpa ta, khutho a ngia ngaitapa a khu ei ta, ama zydua ta beimachâ hmia phaoh ei ta, Kaldia râh liata a pahrâpa Babylaw mo ama lyu.

LUKA 15:22

Châhrasala a paw ta a chakaotuhpazy hnohta, ‘Poh pha chaipa kha vaw cheih para u la, vaw pabu teh u. A ku liata kusadi paky u la, a phei liata pheiky paky teh u.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

1 SAMUELA 17:38

Sawla ta Dâvi cha ano chariah chhaichhizy paky ta, dawh lakhu pakhu ta, dawh chachôhna vyhphao paky ta.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.