1 SAMUELA 18:30 - Mara Bible RV (BSI)

³⁰ Philistinâ pheisaih hyutuhpazy ta a dyuh awpa ta vaw pua tyh ei ta, ama vaw puana maihta Dâvi cha Sawla chakaotuhpa zydua hlâta a hlaotloh via lymâ ta, chavâta a moh pathâh ngaita ta.

1 SAMUELA 18:30 ပူးပေါင်းရင်းမြစ်များ

2 SAMUELA 11:1

Beizy hrâ ama sie tyhna châhvâ daihti liata, Dâvi ta Zôabâ cha, a chakaotuhpazy nata Izarei pheisaih zydua chhaota hrâsie awpa ta tuah ta. Amawna mo cha chho ei ta, ama khihpi Râbâ cha dôh ei ta. Dâvi deikua cha Zerusale liata y thlâh ha ta.

2 SAMUELA 7:9

na siena maih liata na hnohta y lymâ na ta, na chariah zydua na hmiakô tawhta ei chhawh pathlah ha ei. Alei chô liata chyhsa rônahpazy hawhta, moh rônahpa ei cha taopa aw.

2 ABEIZY 1:13

Abei ta pheisaih sypangawh hyutuhpa pathôhna a pheisaih sypangawh chhaota tuah heih ta. Pheisaih sypangawh hyutuhpa pathôhna cha khy ta, Elaizâh hmiakô liata a pakhu paneih ta, a hnohta, “Hy Khazohpa chyhsa y, keima hrona nata châ chakaotuhpa chyhsa sypangawh hrona he, na mohmô liata hmo sôhpa châ mawh sy.

HLAZY 116:15

A mopathaihpazy thina cha, Abeipa pachâ a sôh ngaita.

HLAZY 119:99

Na bieraopazy ei pachâ tyhpa vâta, Nâ pachutuhpa zydua hlâta novâhna ei hnei via.

BIESOZY 12:8

Pahnona phapa a hneipa chyhsa cha reithaina hlao ta, Palôh chhiepa chyhsa deikua cha mohnaona a hlao tyh.

DÂNIAH 1:20

Sona nata novâhna kyh abei ta a hiahripa maih liata, a khinarâh chhôh zydua liata moliethaipa nata dyuthaipa zydua hlâta a lie hrawh ta ama pha via tahpa hmô ta.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

EPHESI 5:15

Chatanachata asoleipazy hawhta y leipa u la, asopazy hawhta ypa ta, nama yzie liata a chado teh u.

1 PITY 2:4

Ano cha chyhsazy kho leipa châ ta, Khazohpa mohmô liata deikua cha, atlyhpa nata sôh ngaitapa alô hrohpa a châ. Abeipa nama pangai hapa vâta,

1 PITY 2:7

Chavâta Krista cha nâmo, ngiapâtuhpazy châta hmo sôh ngaitapa châ ta, ngiapâleipazy châta deikua cha, “O satuhpazy kho leipa alô cha, A ki liata alô phahnai chaipa a vaw châ haw;

1 SAMUELA 18:29

Chavâta Sawla cha Dâvi chi via rili ta. Chatanachata Sawla cha Dâvi khakhaipa châ lymâ ha ta.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.

1 SAMUELA 19:8

Adyuhna vaw y heih ta. Dâvi cha pua ta, Philistinâ mo cha a kei dyuh ta, thata thie ta, a hmiakô liata a râpai ei ta.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.

1 SAMUELA 26:21

Sawla ta, “Ei vaw molei ha na. Vaw kua ha mah y, ei sawchapawpa Davi. Ei hrona he na mohmô liata tanoh sôh ngaita ta, chavâta kheihta hmahta cha tah khao aw va na. Moh teh, hru kawpa ta hmo vaw tao na ta, ei vaw tao chhei ngaita,” tah ta.

1 SAMUELA 26:24

Pachâ teh, tanoh ei mohmô liata na hrona ei pasôpa hawhna heta, keima hrona chhao Abeipa mohmô ta pasôpa ta y sala, nôpona zydua tawh­ta na pachha mawh sy,” tah ta.