1 SAMUELA 18:3 - Mara Bible RV (BSI)

³ Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 18:3 ပူးပေါင်းရင်းမြစ်များ

2 SAMUELA 21:7

Châhrasala Dâvi nata Zawnathâ cha bie a taih ei ta, ama likah liata Abeipa liata bietai a ypa vâta, abei ta Sawla sawchapawpa Zawnathâ sawchapawpa Mephibôse cha pahlôh ta.

BIESOZY 18:24

Viasa hluhpi hneipa cha raona châ thei ta, Châhrasala unawh hlâta â i viapa viasa a y.

1 SAMUELA 19:1

Sawla ta a sawchapawpa Zawnathâ nata a chakaotuhpa zydua cha Dâvi thie awpa ta chho ta. Châhrasala Sawla sawchapawpa Zawnathâ ta Dâvi cha khoh kaw ta.

1 SAMUELA 20:41

Hawtipa a siepata nahta, Dâvi cha alô pachopa chho lâ chhâh tawhta vaw pua ta, a hmia alei liata a khupa ta ei thôh a bôh ta. A pahnâ raihriepa ta, a chakhei raihrie ei ta, Dâvi cha a cha via pachai.

1 SAMUELA 20:42

Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.

1 SAMUELA 22:8

Khazia nama zydua ta eina tei ei chi? Ei sawchapawpa ta Zese sawchapawpa hnohta biehrai a taopa ahy hmahta na chho tlâ veih ei chi. Pachâ nâ rôhkheipa rai y veih ei chi. Nâ chakaotuhpa heta keima nâ dyuhpa ta, tanoh hawhna heta nâ byh awpa ta, ei sawchapawpa ta a pasyupa kyh chhao, nâ chhopa y tlâ veih ei chi,” tah ta.

1 SAMUELA 23:18

Ama pano ta Abeipa hmiakô liata bie hraih ei ta. Dâvi cha Hôresâ liata a ngua ta, Zawnathâ cha o lâ sie ha ta.