1 SAMUELA 18:25 - Mara Bible RV (BSI)

²⁵ Sawla ta, “Dâvi hnohta hetana heta reih teh u, ‘Abei ta a chariahpazy chô liata phuh la a khohpa vâta, nômâ châta Philistinâ mo chopaw vo za kha haw ta, cha leipa cha abei ta nômâ hropa khâpa hmah haw a chhuah vei,’ nama tah aw,” tah ta. Cha cha Philistinâ mo ku liata Dâvi a thi thei nawpa ta Sawla ryhraona a châ.

1 SAMUELA 18:25 ပူးပေါင်းရင်းမြစ်များ

ÂTHAONA 29:18

Zakaw ta Râkheli cha kyhpachâ ta. Lâbâ hnohta, “Na sawchanô seihnainô Râkheli hnei awpa ta kô sari ei cha chakao aw,” tah ta.

ÂTHAONA 34:12

Mâ nata chhao nata hmosaipa cha, khazie rai haw u la, nama reipa hawhta ei cha pie aw ei. Khâpa rai châ sala, laihsa he lapinô ta na pahneisa teh u,” tah ta.

2 SAMUELA 3:14

Dâvi ta Sawla sawchapawpa Isabôse lâ chyhsa tuah ta, a hnohta, “Philistinâ mo chopaw vo za kha ta ei chaleipa ei lapinô Mikâli kha na vaw pie mah y,” tah ta.

ZAWSUA 5:3

Zawsua ta meilô chaizôhzy tao ta, Izarei sawzy cha Kibia Hârâlôthâ liata ama chopaw taipa ta.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.

1 SAMUELA 18:17

Chatawhcha Sawla ta Dâvi hnohta, “Moh teh, he he ei sawchanô uhtheipa Merâbi a châ hih. Ano he lapinô ta ei cha pahneisa aw. Keima châta riahpha ngaitapa ta y la, Abeipa adyuhnazy cha a dyuh mah y,” tah ta. Sawla ta, “Kei ta Dâvi chô liata ku pathla leipa aw sah la, Philistinâ mo ta a chô liata ku tlao pathla lah vâ ei,” tahpa ta pachâna a hneipa vâta, cha hawhta a taopa a châ.

1 SAMUELA 18:24

Sawla chakaotuhpazy ta, “Dâvi ta cha hawhta a tah,” tahpa ta Sawla cha chho ei ta.

1 SAMUELA 19:1

Sawla ta a sawchapawpa Zawnathâ nata a chakaotuhpa zydua cha Dâvi thie awpa ta chho ta. Châhrasala Sawla sawchapawpa Zawnathâ ta Dâvi cha khoh kaw ta.