1 SAMUELA 18:21 - Mara Bible RV (BSI)

²¹ Sawla ta, “Mikâli he Dâvi pie aw na ta, ano châta a aona khoheih châ aw ta, cha cha Philistinâ mo ta a chô liata ku ama pathla theina a châ aw,” tahpa ta pachâ ta. Chavâta Sawla ta Dâvi hnohta, “Tanoh he ei piahpa châ nawpa ryhpaohna na hnei chanei heih,” tah ta.

1 SAMUELA 18:21 ပူးပေါင်းရင်းမြစ်များ

HLAZY 38:12

Ei hrona la a chhuahpazy ta khoheih na chôkhâh ei ta, Na pasasa a chhuahpazy ta raona bie reipa ta, Noh y ta haipa bie tao awpa ama pachâ tyh.

PUASAINA 10:7

Phiraoh chakaotuhpazy ta a hnohta, “Kha chyhsa kha khachâ ma eima châta khoheih a châ aw tly? Abeipa ama Khazohpa cha ama chakao thei nawpa ta, chyhsazy cha pasiesa thlâh ha bâ teh, Izi râh paraopa a châ hapa he pahno to va chi mâ?” tah ei ta.

BIESOZY 29:5

A vaih a reithai pakheipa cha, A phei sao â parai khâhpa a châ.

ZEREMIAH 5:26

Ei phopi hry liata moleipazy y ei ta, Pavaw a byhtuhpa hawhta, A bôhpa ta ama chadi tyh. Khoheih chôh ei ta, Chyhsazy ama pa-ao tyh.

ZEREMIAH 9:8

Ama paleih cha thina châtai châ ta, Dôveipa ta bie a reih tyh. Chyhsa ta a pakah ta a vaih hnohta adyhna bie reih ta, A palôh liata deikua cha ano a byh nawpa a pachâ tyh.

1 SAMUELA 18:17

Chatawhcha Sawla ta Dâvi hnohta, “Moh teh, he he ei sawchanô uhtheipa Merâbi a châ hih. Ano he lapinô ta ei cha pahneisa aw. Keima châta riahpha ngaitapa ta y la, Abeipa adyuhnazy cha a dyuh mah y,” tah ta. Sawla ta, “Kei ta Dâvi chô liata ku pathla leipa aw sah la, Philistinâ mo ta a chô liata ku tlao pathla lah vâ ei,” tahpa ta pachâna a hneipa vâta, cha hawhta a taopa a châ.

1 SAMUELA 18:22

Sawla ta a chakaotuhpazy biepie ta, “Arulâta Dâvi chho u la, ‘Pachâ teh, abei ta na chô liata a ly kaw ta, a chakaotuhpa zydua chhao ta ama cha khoh kaw sai. Chavâta tahmâ abei piahpa châ mah y,’ nama tah aw,” tah ta.

1 SAMUELA 18:26

Cha biezy cha Sawla chakaotuhpazy ta Dâvi ama chho nahta, abei piahpa a châ awpa kyh chata Dâvi cha palysa kaw ta. A daihti taihpa a khô hlâta,