1 SAMUELA 18:18 - Mara Bible RV (BSI)

¹⁸ Dâvi ta Sawla hnohta, “Ahy ma châ na ta, ei sanawh rinô nata ei paw pho zy he Izarei liata ahyzy châ ei ta ma, abei piahpa cha ei châ aw?” tah ta.

1 SAMUELA 18:18 ပူးပေါင်းရင်းမြစ်များ

2 SAMUELA 7:18

Chatawhcha Bei Dâvi cha a ngia ta, Abeipa hmiakô liata a tyuh ta, a hnohta, “Hy Abeipa Zehôvâh y, ahy ma châ na ta, ei chhôhkha he khâpa châ ta ma, he taih heta einâ vaw chhi chi tly?

1 ABEIZY 4:15

Ahimazi ta Nâthalai râh â vao. Ano he Sawlawmaw sawchanô Bâsemâ lapinô ta a hneipa a châ.

PUASAINA 3:11

Mawsi ta Khazohpa hnohta, “Phiraoh lâ zu ta, Izarei sawzy Izi râh tawhta a chhi papua awpa ta, kei he ahy ma ei châ tly?” tah ta.

BIESOZY 15:33

Abeipa china cha sona pachuna châ ta, Palyupalihna to awpa ta a reisi tua awpa a byuh.

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

ZEREMIAH 1:6

Kei ta, “Âh, Abeipa Zehôvâh, moh tua, hawtipa deita châ na ta, bie reizie chhao thai va na,” tah na ta.

RUTHI 2:10

Ruthi cha â khu lâta pao ta, alei lâ a bôh ta, Bôaza hnohta, “Chihropa châ na ta, châhrasala na pahno khoh chi ta, na mohmô liata ngiachhiena ei vaw hlao thlâh hapa he kheihtazie ta ma a châ tly?” tah ta.

1 SAMUELA 18:23

Cha biezy cha Sawla chakaotuhpazy ta Dâvi nah theina liata reih ei ta. Dâvi ta, “Abei piahpa châpa he hmo chynawhpa hawhta a pachâpa dua nama lyu thlâh haw? Keima hawhpa dyhchhiepa nata mohnao chhihpa chyhsa châta cha, hmo naopa naikawh ma châ vâ,” tah ta.

1 SAMUELA 9:21

Sawla ta a chhy ta, “Kei he Izarei chi hry liata chi chyh chaipa Benzami chi châ va na mâ? Ei pho chhao Benzami chi pho zydua hry liata pho chyh chaipa châ vei mâ? Kheihtazieta he hawhta ei hnohta a reihpa ma na châ tly?” tah ta.