1 SAMUELA 18:17 - Mara Bible RV (BSI)

¹⁷ Chatawhcha Sawla ta Dâvi hnohta, “Moh teh, he he ei sawchanô uhtheipa Merâbi a châ hih. Ano he lapinô ta ei cha pahneisa aw. Keima châta riahpha ngaitapa ta y la, Abeipa adyuhnazy cha a dyuh mah y,” tah ta. Sawla ta, “Kei ta Dâvi chô liata ku pathla leipa aw sah la, Philistinâ mo ta a chô liata ku tlao pathla lah vâ ei,” tahpa ta pachâna a hneipa vâta, cha hawhta a taopa a châ.

1 SAMUELA 18:17 ပူးပေါင်းရင်းမြစ်များ

2 SAMUELA 11:15

Châ liata, “Adyuhna ru chaina liata Uria he hmia vaw pasah u la, a vaw dyuh aw ei ta a thi hana hâh ta, a sysai ha muh vy,” tahpa ta roh ta.

2 SAMUELA 12:9

Khazia ma Abeipa bie khâpasaw ta rei leipa chi ta, a mohmô liata hmo pha leipa na tao? Hiti chyhsa Uria cha zaozi ta thie chi ta, a lapinô cha na lapinô châta hnei chi ta, Amawna mo zaozi ta Uria cha na thie haw.

2 SAMUELA 6:16

Abeipa Byh cha Dâvi khihpi â ngia hai nota, Sawla sawchanô Mikâli cha opy tawhta vaw sai ta, Bei Dâvi cha Abeipa hmiakô liata lâh ta, â zawzâ ngâ kawpa hmô ta, a palôh liata zakhei kaw ta.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 55:21

A pakah cha sâhpiti kuapa hawhta pahnia ta, A palôh lia deikua adyuhna ta a bie. A biezy sathaw hlâta nai via ta, Châhrasala zaozi phia hapa a châ.

BIESOZY 26:24

Ahaona a hneipa cha a hmao liata nyuthu tyh ta, A palôh liata deikua cha dôveina a paveih tyh.

BIESOZY 26:25

Bie phapa a reipa chhao ta zo khah y, A palôh liata hmo pasichhihpa miasari a vaopa a châ.

BIESOZY 26:26

Ahaona a hneipa cha dôveina ta khupa a châpa chhao ta, A moleina cha tlâh pahnopa ta palâsapa a châ aw.

MALUHREINA 21:14

Chavâta Abeipa Adyuhnazy châbu liata, “Supha liata Vâhe nata Anaw saikaozy cha,

MALUHREINA 32:20

Mawsi ta ama hnohta, “Cha hawhta tao u la, chariah chhaichhi a tobipa ta Abeipa hmiakô ta adyuhna lâ sie teh u.

MALUHREINA 32:27

châ chakaotuhpazy deikua pi cha, eima zibeipa biepiepa hawhta, Zawdâh chaka aw pi ta, chariah chhaichhi a tobipa maihta Zawdâh cha Abeipa hmiakô liata eima chaka aw,” tah ei ta.

MALUHREINA 32:29

Mawsi ta ama hnohta, “Kâdâ pathla nata Rubena pathla, chariah chhaichhi a tobipa maih Abeipa hmiakô liata nama hnohta Zawdâh chaka hra aw ei ta, râh cha pahniepa a châ khiahta cha, Kilia râh he âmo ryuto châta nama pie aw.

RYHPACHANEINA 17:7

Pahnokheituhpazy ta thie awpa chô liata ama ku pathla tua chai aw ei ta, cha khai tawhta zawpi ta ku ama pathla aw. Cha hawhna chata hmo pha leipa cha nama hry tawhta nama pahlei awpa a châ.

1 SAMUELA 14:49

Sawla sawchapawzy cha Zawnathâ, Isvi nata Mekhisua zy châ ei ta, a sawchanô panozy moh cha a uhtheinô Merâbi châ ta, a seihnainô Mikâli a châ.

1 SAMUELA 17:25

Izarei pheisaihzy ta, “Kha chyhsa a vaw puapa kha nama hmô ma? Izarei pahao awpa ta a vaw pua. Ano a thie theipa cha abei ta sôh nata thih hluhpi piepa ta pahneirôhsa aw ta, a sawchanô pie aw ta, a paw chhôhkha cha râhpaw paeipa ta Izarei râh liata a paysa aw ei,” tah ei ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.

1 SAMUELA 17:47

He liata ahmaohpakhypa zydua chhao heta, Abeipa ta zaozi nata asei ta pachha vei tahpa ama pahno aw. Adyuhna he Abeipa eih châ ta, Abeipa ta nâmo he eima ku liata miah a pie aw,” tah ta.

1 SAMUELA 18:21

Sawla ta, “Mikâli he Dâvi pie aw na ta, ano châta a aona khoheih châ aw ta, cha cha Philistinâ mo ta a chô liata ku ama pathla theina a châ aw,” tahpa ta pachâ ta. Chavâta Sawla ta Dâvi hnohta, “Tanoh he ei piahpa châ nawpa ryhpaohna na hnei chanei heih,” tah ta.

1 SAMUELA 18:25

Sawla ta, “Dâvi hnohta hetana heta reih teh u, ‘Abei ta a chariahpazy chô liata phuh la a khohpa vâta, nômâ châta Philistinâ mo chopaw vo za kha haw ta, cha leipa cha abei ta nômâ hropa khâpa hmah haw a chhuah vei,’ nama tah aw,” tah ta. Cha cha Philistinâ mo ku liata Dâvi a thi thei nawpa ta Sawla ryhraona a châ.

1 SAMUELA 18:27

Dâvi nata a chyhsazy cha thyu ei ta, sie ei ta, Philistinâ mo za no kei thie ei ta. Dâvi ta ama chopaw vozy cha vaw cheih ta, abei piahpa a cha thei nawpa ta, abei hnohta a zydua ta pie khai ta. Chatanachata Sawla ta a sawchanô­ Mikâli cha a lapinô ta pahneisa ta.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.

1 SAMUELA 30:26

Dâvi cha Zikalâ a vaw tlô nahta, hraona sôh thokhazy cha a viasa Zudâh machâzy paphao ta, ama hnohta, “He he nâmo châta hmosaipa a châ, Abeipa chariahpazy hraona sôh a châ hih,” tah ta.