1 SAMUELA 18:16 - Mara Bible RV (BSI)

¹⁶ Châhrasala Dâvi cha ama hnohta a pahlaopa ta âmo a chhihthapa vâ ei ta, Izarei nata Zudâh zydua ta a kyhpachâ ngaita ei ta.

1 SAMUELA 18:16 ပူးပေါင်းရင်းမြစ်များ

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

1 ABEIZY 3:7

Hy Abeipa ei Khazohpa y, châ chakaotuhpa he ei paw Dâvi su liata bei ta eina tao chi hih. Kei la hawtipa dei châ na ta, yzia dâh nata bierei kahthlâ chhao pahno thai va na.

ESTHERI 10:3

Zu chyhsa Môdekai cha Bei Ahasuarâ a pazipa châ ta, Zuzy hry liata chyhsa rônahpa a châ. A chiheihzy phana pachâpa ta, a chiheih zydua hnohta thlalôhna bie a reih tyhpa a châpa vâta, a unawh zasâh manôhzy ta ama pasâhsa ngaitapa a châ.

MALUHREINA 27:17

Ano chata zawpizy hmia lâta pua aw ta, a tlôkhei aw ei. Zawpizy chhihtha aw ta, â ngiakhei aw ei. Chatanachata Abeipa chyhsa zawpizy cha vaituhpa hnei leipa mietaku hawhta y aw veih ei,” tah ta.

LUKA 19:48

Châhrasala zawpi zydua ta phahnai khoh ngaitapa ta a bie ama nathlie lymâpa vâta, khâpa hmah tao thei veih ei.

LUKA 20:19

Cha nona tlai chata ryhpa pachutuhpazy nata theihthai beizy ta, cha pakhona bie cha âmo a rei chakiana bie a châ tahpa pahno ei ta, chavâta patu a chhuah ei ta, châhrasala zawpi chi ei ta.

1 SAMUELA 18:13

Chavâta Dâvi cha Sawla ta ano tawhta pasiesa ta, pheisaih sâh kha hyutuhpa ta tao ta. Chatanachata Dâvi cha pheisaihzy hnohta a pahlaopa ta âmo cha chhihtha ta.

1 SAMUELA 18:15

Dâvi hlaotlohna rônahpa cha Sawla ta a hmô nahta, chi ngaita ta.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.