1 SAMUELA 18:10 - Mara Bible RV (BSI)

¹⁰ A mylâ ta Khazohpa tuapa thlahpa chhiepa cha Sawla chô liata vaw tlô ta, o chhôh liata thata a chiaburâh ta. Dâvi cha noh hro ta a tao tyhpa hawhta, to ta tô heih ta. Sawla cha a ku liata asei a chaba thlâh ha ta.

1 SAMUELA 18:10 ပူးပေါင်းရင်းမြစ်များ

1 ABEIZY 18:29

Nohchhô locho daihti khô ta, zâlâ atheihna daihti taihta ama hrohsona biezy cha reih ei ta. Châhrasala ao pyury rai y leipa ta, a chhytuhpa rai y leipa ei ta, a pachâtuhpa rai y veih ei.

1 ABEIZY 22:12

Hrohsopa hropa zydua chhao ta, “Ramôkilia lâ cha khy la kaw pahnie teh, Abeipa ta Ramôkilia cha abei ku liata a pie aw,” tahpa ta hrohsona bie phuah hra ei ta.

ZEREMIAH 28:11

Chatawhcha Hânaniah ta zawpi zydua hmiakô liata bie reih ta, “Abeipa ta, ‘Kha hawhna khata Babylaw bei Nebukaneza raopaky cha, kô no chhôh ta phopi zydua rao tawhta pahluh aw na ta ei thlie pachhô aw,’ a tah” tah ta. Hrohsopa Zere­miah deikua cha, a sie nawpa lâ sie syulyu ha ta.

HMOTAOPAZY 16:16

Thlahchhâna su lâ eima sie nota, sei laihsa pakha ta miah a vaw tyh ta. Ano cha pachaothaina thlahpa a hneipa châ ta, pachaona bie a reipazy tawhta a zibeipa châta sôh hluhpi a hmô tyhpa a châ.

2 THYSALAWNIKA 2:11

Haipa bie ama zo thei nawpa ta, Khazohpa ta dôveina thatlô ngaitapa ama hnohta a vaw patlôsa.

RYUREITUHPAZY 16:20

Delilâ ta a hnohta, “Sâsawna, Philistinâ mo ta ama cha vaw siehnao!” tah ta. Â môpa cha a kaw hra ta, “Noh hrozy hawhna khata pua aw na ta, ei tlieh papua thlâh heih awh,” tahpa ta pachâ ta. Abeipa ta a siesai hapa pahno vei.

1 SAMUELA 16:23

Khazohpa tuapa ahripa Sawla chô liata a vaw tlôna maihta, Dâvi cha totâ la ta, tô tyh ta. Chatanachata Sawla cha vaw tlâhpa ta, pha heih tyh ta, ahripa ta ano cha a puasai ha tyh.

1 SAMUELA 18:9

Cha noh tawhta cha, Sawla ta Dâvi cha mohpahroh ha ta.

1 SAMUELA 19:10

Sawla ta Dâvi cha asei ta pâhchhô liata chakhao pâ a chhuah ta, châhrasala Dâvi ta Sawla cha a kâsai hmâ ha ta, asei cha pâhchhô liata a chaloh thlâh ha ta. Dâvi cha a râ ta, cha zâ cha â boh haw.

1 SAMUELA 19:7

Zawnathâ ta Dâvi cha aw ta, hmo zydua chho ta. Dâvi cha Sawla lâ a chhi ta, abei hnohta a y tyhpa hawhna khata y heih ta.

1 SAMUELA 19:9

Sawla cha asei chabapa ta ano o liata â tyu thlâh ha nota, Abeipa tuapa thlahpa chhiepa a chô liata vaw tlô ta. Dâvi cha totâ a tô ngâ nota,

1 SAMUELA 26:19

Chavâta ei zibeipa abei y, châ chakaotuhpa biezy he tahmâ vaw nathlie tua mah y. Keima nâ dyuh awpa palôh châ pahneisapa he, Abeipa a châ khiahta cha, hmohlâpa a pyh sala, chyhsazy ama châ khiahta deikua cha, Abeipa hmiakô liata chhiesapa ta y mawh sy. ‘Sie la khazoh hropazy kei chakao teh,’ na tah ei ta, Abeipa ryu liata tovyuh ei hnei thei lei nawpa ta, tanoh eina papua ha ei hih.