1 SAMUELA 18:1 - Mara Bible RV (BSI)

¹ Dâvi ta Sawla hnohta bie a rei khaipa nahta, Zawnathâ hro cha Dâvi hro nata phie a zao ha ta. Zawnathâ ta ano hrona kyh â pachâpa tlu ta Dâvi cha a kyh pachâ ta.

1 SAMUELA 18:1 ပူးပေါင်းရင်းမြစ်များ

ÂTHAONA 44:30

Chavâta châ chakaotuhpa ei paw kô ei tlô tita, hawtipa he eima hnohta â hlao vei khiahta cha, a hrona cha hawtipa hrona nata khâchâ â zao hapa vâta,

2 SAMUELA 1:26

Ei unawhpa Zawnathâ y, Ei cha taokheizie rimâ cha! Ei chô liata pha ngaita chi ta, Kyh eina pachâna chi kha noâh a chhih ta, Chanô kyhpachâna hlâta â sâh via.

1 THÂTIHZYRONA 12:17

Dâvi cha âmo dy awpa ta pua ta, ama hnohta, “Na bao awpa ta adyhna bie rei awpa ta kei lâ a vypa nama châ khiahta cha, ei palôh ta châ pazao aw ei ta, ei ku liata hmo doleipa khâpa hmah y vei tahpa pahno thlâh hana chôta, ei khakhaipazy na patusa namâ chhuah khiahta deikua cha, miah pathlatuhpazy Khazohpa ta cha hmô ei sala, viari cha thô mawh ei sy,” tah ta.

HLAZY 86:11

Hy Abeipa, na biehmeiseihpa liata ei y thei nawpa ta, Na lâpi na pachu la; Na moh ei chi thei nawpa ta, Palôh a ipa na pie mah y.

BIESOZY 18:24

Viasa hluhpi hneipa cha raona châ thei ta, Châhrasala unawh hlâta â i viapa viasa a y.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

RYUREITUHPAZY 20:11

Cha hawhna chata Izarei chyhsa zydua cha reih kha tlapa ta, Kibia khihpi a dyuh awpa ta a hmaoh ei ta.

1 SAMUELA 14:45

Châhrasala zawpizy ta Sawla hnohta, “He pachhana rônah ngaitapa Izarei hry liata a vaw tlôkheituhpa Zawnathâ he a thi aw ma? Châ bao va! Abeipa hrona reipa ta eima reih, a sâbu miakha chhao alei liata a tla awpa châ vei. Tanoh he ano cha Khazohpa a hrialâhpa a châ hih,” tah ei ta. Zawpi ta Zawnathâ cha pachha ha ei ta, thiepa châ khao vei.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 19:1

Sawla ta a sawchapawpa Zawnathâ nata a chakaotuhpa zydua cha Dâvi thie awpa ta chho ta. Châhrasala Sawla sawchapawpa Zawnathâ ta Dâvi cha khoh kaw ta.

1 SAMUELA 19:2

Zawnathâ ta Dâvi hnohta, “Ei paw Sawla heta thie châ chhuah ta. Chavâta mylâ my cha a vaih kaw la, su â nyu kawpa liata y la, cha liata a nyu chy mah y.

1 SAMUELA 20:17

Zawnathâ ta Dâvi cha, a kyh a pachâna kyh reipa ta, bie pataihsa heih ta. Ano hrona kyh a pachâpa tlu ta, Zawnathâ ta Dâvi cha a kyh a vaw pachâpa a châ.

1 SAMUELA 20:8

Châ chakaotuhpa he Abeipa biehrai liata a ngiakhei ha chi ta, chavâta châ chakaotuhpa chô liana he ngiachhiena rie palâsa mah y. Thaileichâna ei hnei khiahta deikua cha, nâma tlai ta na thie thlâh ha mah y, khazia na paw lâ cha einâ chhi ngâ kaw aw chi?” tah ta.

1 SAMUELA 22:8

Khazia nama zydua ta eina tei ei chi? Ei sawchapawpa ta Zese sawchapawpa hnohta biehrai a taopa ahy hmahta na chho tlâ veih ei chi. Pachâ nâ rôhkheipa rai y veih ei chi. Nâ chakaotuhpa heta keima nâ dyuhpa ta, tanoh hawhna heta nâ byh awpa ta, ei sawchapawpa ta a pasyupa kyh chhao, nâ chhopa y tlâ veih ei chi,” tah ta.

1 SAMUELA 23:18

Ama pano ta Abeipa hmiakô liata bie hraih ei ta. Dâvi cha Hôresâ liata a ngua ta, Zawnathâ cha o lâ sie ha ta.