1 SAMUELA 17:52 - Mara Bible RV (BSI)

⁵² Izarei mo nata Zudâh mo cha thyu ei ta, awh ei ta, Philistinâ mo cha Kâthâ taihta nata Ekaraw thokhy ochhi taihta a chadai ei ta. Hmaphaohpa Philistinâ chyhsazy cha Saraimi lâpi tlykha ta pao ei ta, Kâthâ nata Ekaraw taihta thata ama pao.

1 SAMUELA 17:52 ပူးပေါင်းရင်းမြစ်များ

2 SAMUELA 23:10

Eliaza cha thyu ta, a ku a si khai hana taihta nata a ku zaozi liata â baipâ khai hana taihta Philistinâ mo thie ta, cha noh liata Abeipa ta pahniena rônahpa patlôsa ta, zawpizy cha athipazy hrao awpa deita ta Eliaza lâ â lie heihpa dei ama châ.

1 ABEIZY 20:21

Izarei bei cha kei pua ta, arâ nata talailihzy cha chhawh ta, Aramia mo cha thata thie ta.

ZAWSUA 15:11

Râhri cha Ekaraw maw lâ baikhaihpa lâta sie ta, Sikarô lâta pako ta, Bâlâh tlâh liata sie lymâ ta, Zabine liata pua ta, tilaipi liata a chhâ.

RYUREITUHPAZY 7:23

Izarei sawzy cha Nâthalai, Asera nata Manase chizy tawhta awpakhy ei ta, Midia mo cha a chadai ei ta.

1 SAMUELA 17:53

Izarei sawzy cha Philistinâ mo amâ chadaipa tawhta a lie ei ta, Philistinâ mo riehmo hrao ei ta.

1 SAMUELA 5:10

Khazohpa Byh cha Ekaraw lâ paphao heih ei ta. Khazohpa Byh Ekaraw a tlô nahta, Ekaraw khihsawzy ta, “Keimo nata eima phopi thie awpa ta, Izarei Khazohpa Byh he keimo lâ ama vaw cheipa a châ hih,” tahpa ta awh chaimâh ei ta.

1 SAMUELA 5:8

Chyhsa tuah ei ta, Philistinâ bei zydua aw pakhy ei ta, ama hnohta, “Izarei Khazohpa Byh he kheihta ma eima tao aw?” tah ei ta. Âmo ta, “Izarei Khazohpa Byh he Kâthâ khihpi lâ siekheipa châ mawh sy,” tah ei ta. Chatanachata Izarei Khazohpa Byh cha Kâthâ khihpi lâ siekhei ei ta.