1 SAMUELA 17:49 - Mara Bible RV (BSI)

⁴⁹ Dâvi cha a sahria chapao ta, alô miakha thaoh ta, savo cheisiah ta kei siah ta, Philistinâ chyhsa cha a khi liata khai ta, a khi liata alô cha a ngia ta, â khu lâta pao ta.

1 SAMUELA 17:49 ပူးပေါင်းရင်းမြစ်များ

1 ABEIZY 22:34

Châhrasala chyhsa pakha ta â chhuahpa vâta châ leipa ta, a libaw a kei ta a ka chakhyhna liata, Izarei bei cha a chariah chhaichhi nata a chachôhna vyhphao likawh liata kei ka ta. Izarei bei ta a talailih haohtuhpa hnohta, “A lie la, adyuhna tawhna heta na puakhei teh, hmah ei phaoh haw,” tah ta.

2 ABEIZY 9:24

Zehu cha a tha zydua papuapa ta a libaw a kei ta, Zôrâ cha a phiahkao nata a phiahkao likawh liata kei ka ta, châtai cha a châh-ao liata a ngia ta, a talailih liata a chahyh ta.

1 SAMUELA 17:48

Philistinâ chyhsa cha thyu ta, Dâvi hmiachhy awpa ta vaw pangai ta. Dâvi chhao ta Philistinâ chyhsa cha a dyuh awpa ta thlai a kei râ ta.

1 SAMUELA 17:50

Cha hawhna chata Dâvi ta Philistinâ chyhsa cha savo cheisiah nata alô ta a pahnie haw. Philistinâ chyhsa cha alô ta siah ta, a thie haw. Dâvi cha Zaozi rai a chaba vei.

1 SAMUELA 19:5

A hrona sokhâhpa ta Philistinâ chyhsa kha thie ta, Abeipa ta Izarei zydua châta pachhana rônah ngaitapa a tao. Cha cha nâ chhao ta hmô chi ta, nâ ly ngaitapa kha a châ. Khazia a chhâpa y leipa ta Dâvi cha thie aw chi ta, mosiapa thisaih chô liata moleina na tao aw?” tah ta.