1 SAMUELA 17:46 - Mara Bible RV (BSI)

⁴⁶ Tanoh he Abeipa ta nâma kha ei ku liata eina pie aw. Cha thie aw na ta, na luh cha tai aw na ta, Philistinâ pheisaih rizy cha tanoh he vâ pavawzy nata râhsazy ei pie aw ei. Chatanachata khizaw zydua ta Izarei liata Khazohpa a y tahpa ama pahno aw.

1 SAMUELA 17:46 ပူးပေါင်းရင်းမြစ်များ

ÂTHAONA 40:19

Tahmâ tawhta noh thôhna liata, Phiraoh ta na luh cha tai aw ta, na pôhpa tho liata a pangieh aw. Pavawzy ta na sapa ama nie aw,” tah ta.

2 SAMUELA 18:28

Ahimazi ta awh ta, abei hnohta, “Thâtih a pha khai,” tah ta. A hmia alei lâ a khupa ta abei hmiakô liata a bôh ta, a hnohta, “Ei zibeipa abei he a dyuh ta, ku a hypa chyhsazy na ku liata châ pietuhpa Abeipa na Khazohpa cha reithaipa ta y mawh sy,” tah ta.

2 SAMUELA 21:10

Aihza sawchanô Rizpâ cha latho poh la ta, lôpanô chô liata phaw ta, sâh hria a thao daihti tawhta cha liata y ta, avâ lâ tawhta avâ a vaw suana taihta y ta. Nohchhô ta vâ pavawzy ta lôpanô chô liata amâ cho awpa pasaih leipa ta, zâ ta lyurâhpa sazy ta a chô liata ama y awpa chhao pasaih hra vei.

1 ABEIZY 8:43

na pahrâna su vârâh liata vaw nathlie la, chihropa ta a cha hiapa cha taopa mah y. Chatanachata khizaw phopi zydua ta na moh pahno aw ei ta, Izarei sawzy ta eima cha chipa hawhta, âmo chhao ta cha chi aw ei ta, o ei sapa he na moh a phaohpa a châ tahpa ama pahno aw.

1 ABEIZY 8:60

Chatanachata khizaw phopi zydua ta Abeipa deita he Khazohpa cha a châ, Khazoh hropa y veih ei, tahpa ama pahno aw.

2 ABEIZY 19:19

Chavâta Hy Abeipa eima Khazohpa y, nâma deita he Zehôvâh Khazohpa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

2 ABEIZY 5:15

Chatawhcha Nâmâ cha a sahlao zydua chhaota Kha­zohpa chyhsa yna lâ a lie ta. A tlô nahta, a hmiakô liata a kei duah ta, a hnohta, “Izarei lia dei leipa ta cha, khizaw zydua liana heta Khazohpa rai y vei tahpa ei pahno haw. Chavâta châ chakaotuhpa kuhria he a hlâh mah y,” tah ta.

HLAZY 31:8

Ei chariahpa ku liata na hlâ leipa chi ta, Ei pheizy su kawhpa liata na paduasa.

HLAZY 46:10

“A chalih u la, Khazohpa ei châ tahpa pahno teh u. Phopizy hry liata cheihchalopa ta y aw na ta, Alei chô liana heta cheihchalopa ta ei y aw.”

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 56:9

Râh sa zydua saih u, Nie awpa ta a vy u la, Râhmâhpa sa zydua saih u, Nie awpa ta a vy teh u.

ZEREMIAH 19:7

He su liana heta Zudâh nata Zerusale hmochhuahpazy cha hraoleipa pachâsa aw na ta, âmo cha ama chariahpazy hmiakô liata nata ama hrona la a chhuahpazy ku liata zaozi ta ei papao aw ei. Ama rizy cha avâ pavawzy nata alei sahrâhpazy lao ta ei pie aw.

ZEREMIAH 34:20

Ama chariahpazy nata ama hrona la a chhuahpazy ku liata hlâ aw ei na ta, ama rizy cha avâ pavawzy nata alei sazy châta ama lao a châ aw.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

MATHAI 24:28

Sawhsawpa yna liata vâkhiehzy amâ hmaoh tyh.

RYHPACHANEINA 28:26

Nama rizy cha avâ pavaw zydua nata alei sazy ta nie aw ei ta, a laih awpa y aw veih ei.

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

RYHPACHANEINA 7:23

Phopizy cha pahleipadiapa ama châ khai hlâlei, Abeipa nama Khazohpa ta nama ku liata pie aw ei ta, thata a patypamâ aw ei.

ZAWSUA 10:8

Abeipa ta Zawsua hnohta, “Kha chyhsazy kha chi khah y. Âmo cha na ku liata ei cha pie haw. Na hmiakô liata a duah thei awpa ama hry liata pakha hmah y aw veih ei,” tah ta.

ZAWSUA 4:24

Chatanachata alei chô liata phopi zydua ta Abeipa ku cha ku thatlôpa a châ tahpa pahno aw ei ta, Abeipa nama Khazohpa cha nama chi lymâ thei aw,” tah ta.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.

1 SAMUELA 17:44

Philistinâ chyhsa ta Dâvi hnohta, “A vy teh, na sa kha vâ pavawzy nata râhsazy ei pie aw,” tah ta.