1 SAMUELA 17:34 - Mara Bible RV (BSI)

³⁴ Dâvi ta Sawla hnohta, “Châ chakaotuhpa he ei paw mietakuzy vaih tyh na ta, chakeibarôhneipa tlyma, chavyh tlyma a vy ta, mietaku zaw hry tawhta mietakutaw a la nota,

1 SAMUELA 17:34 ပူးပေါင်းရင်းမြစ်များ

ÂTHAONA 31:39

Sahrâhpa ta a taipazy chhao, na hnohta vaw cheih beih va na. Aleipazy vyuhpa kei ta ei pabie lymâ tyh. Nohchhô ta ama parupa tlyma, zâ ta ama parupa tlyma, thô awpa ta einâ hnaw tyh chi.

2 SAMUELA 17:8

Husai ta, “Na paw nata a chyhsazy cha na pahno ei, pasaiphazy châ ei ta, chyhsa chhyu ngaitapa, lyurâhpa liata chavyh a taw la hapa hawhta amâ hrâh. Cha dei châ vei, na paw cha a dyuhpa chyhsa châ ta, zawpi hry liata a rie ngyu aw vei.

2 SAMUELA 23:20

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

1 THÂTIHZYRONA 11:22

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

HLAZY 143:5

Hnôhlâ daihtizy a kaw theipa ta, Na hmotaopa zydua saipalie na ta, Na ku raihriazy ei rohpady tyh.

EZEKIA 34:12

Mietaku vaituhpa ta a mietaku zaw a vai nota mietaku a paipatlapazy a tluapa hawhta, ei mietakuzy cha tlua aw ei na ta, vâ panohna nata zohmyhna noh liata, ama paipatlana su zydua tawhta ei pachha aw ei.

AMÔSÂ 3:12

Abeipa ta hetana heta a tah: “Mietaku vaituhpa ta, Mietaku phei miano tlyma, A nakao chhâ tlyma, Chakeibarôhneipa tawhta a chhu tyhpa hawhta, Samâri liata Izarei sawzy chhao, Rakhô phei nata dyuchhai bâh zy chhaota, Pachhapa ama châ aw.

ZEKARIA 11:16

Moh teh, aleipazy pahno leipa ta viavipazy a tlua leipa, hmahphaohpazy patlâh leipa ta tlâhleipazy a deichhy leipa, mietaku thawhpa sazy tlao nie khaipa ta ama chakiezy taihta a hriechheihpa mietaku vaituhpazy râh liata ei padua aw.

ZEKARIA 9:7

A pakah tawhta a thisaih thy aw na ta, A hâh tho tawhta hmo pasichhihpazy ei thaoh aw. Ano chhao eima Khazohpa châta laibâhpa châ aw ta, Zudâh chi liata pho kha hawhta a châ aw; Ekaraw chhao Zebu mo hawhta a vaw châ aw.

LUKA 2:8

Cha râh liata mietaku vaituhpazy y ei ta, zâ ta ama mietakuzy vaipa ta lyu liata a rie pâ ei ta.

ZAWHÂNA 10:11

Kei he mietaku vaituh phapa ei châ. Mietaku vaituh phapa cha mietakuzy châta a hrona a pie.

RAWMA 5:4

tiamana ta hrozie phapa tao ta, hrozie phapa ta hnabeiseihna a tao tahpa eima pahno.

HEBRAI 11:33

Âmo cha ngiapâna ta khinarâhzy la ei ta, adona a duakhei ei ta, bietaizy to ei ta, chakeibarôhneipa pakahzy ama pamosa.

BIEPHUAH 13:2

Sahrâhpa ei hmôpa cha keichhoh lyu ta, a pheizy chavyh phei lyu ta, a pakah cha chakeibarôhneipa pakah a lyu. Sahrâhpa hnohna chata Drâkao ta a hmotaotheina, a beidyuchhai nata biehneina lai ngaitapa pie ta.

RYUREITUHPAZY 14:6

Abeipa Thlahpa cha a chô liata thlai vaw tlô ta, a ku liata khâpa hmah â chaba leipa chhao ta, chakeibarôhneipa cha mietaw hriechheihpa hawhta a tlawhpoh ta hriechheih ha ta. Châhrasala a hmotaopa cha a paw tlyma, a nô tlyma chho vei.

1 SAMUELA 17:15

Dâvi deikua cha Bethlehe liata a paw mietakuzy vai awpa ta, Sawla lâ vawh heih a vy heih tahpa ta a riahpahlai tyh.

1 SAMUELA 17:33

Sawla ta Dâvi hnohta, “Nâ la Philistinâ chyhsa a dyuh awpa ta sie thei aw va chi, thyudyupa deita châ chi ta, ano cha a thyudyu tawhta adyuhpa chyhsa châ ta,” tah ta.

1 SAMUELA 17:35

a chadai na ta, chhei na ta, a pakah tawhta mietakutaw ei pachha tyh mâ tâh. Eina thyuhnao khiahta cha, a barôh ta patu na ta, tusao na ta, ei thie tyh.