1 SAMUELA 17:28 - Mara Bible RV (BSI)

²⁸ Pheisaihzy hnohta Dâvi biereipa cha, a uhta uhthei chaipa Eliabâ ta vaw thei ta. Eliabâ cha Dâvi chô liata a hie thata hâh ta, a hnohta, “Khazia nâ zu hra? Râhchawhpa liata mietaku a chyhta a ypazy kha ahy na pavaisa? Akhotlâh kawpa nata palôh moleipa a phaohpa na châ tahpa ei pahno. Adyuhna mo awpa ta a zupa na châ hih,” tah ta.

1 SAMUELA 17:28 ပူးပေါင်းရင်းမြစ်များ

ÂTHAONA 37:11

A unawhzy ta a chô liata ama hiatlia kaw ta, a paw deikua ta, cha hmozy cha a palôh liata a vao thlâh ha ta.

ÂTHAONA 37:4

Ama paw ta ano cha a unawh zydua hlâta kyh a pachâ via tahpa a unawhzy ta ama pahno nahta, ano cha a hao kaw ei ta, reikah phapa rai hlâ khoh leipa ei ta.

ÂTHAONA 37:8

A unawhzy ta a hnohta, “Nâ bao hra heta eima chô liata ryu na reih aw mâ? Nâ bao hra heta eima chô liata bie na hnei aw ma?” tah ei ta. A mâsapazy nata a biereipazy vâta ano cha a hao via rili ei ta.

2 THÂTIHZYRONA 11:18

Rehôbaw ta Dâvi sawchapawpa Zerimô sawchanô Mâhalâ cha lapinô ta hnei ta, ano cha Zese sawchapawpa Eliabâ sawchanô Abihai sawchanô a châ.

HLAZY 35:11

Pahnokheituhpa pakheipazy thyu ei ta, Ei pahno beih leipa hmozy eina hiahri ei.

BIESOZY 18:19

Unawh pasasa hapa cha khihpi thatlôpa hlâta pahnie ru via ta, Cha hawpa ahryuna cha thokhy tlâh hawhta a châ.

BIESOZY 27:4

Hiehâhna cha a nôchhie ta, pathiiana chhao â tlao, Châhrasala ahy ma hiatliana hmiakô liata a duah thei aw?

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

MATHAI 10:36

Chyhsa chariahpazy cha ano chhôhkhapa cheingei tawhta ama châ aw.

MATHAI 27:18

Ama hiatliapa vâta Zisu cha ama patupa a châ tahpa pahno thlâh ha ta.

MÂKA 3:21

A chhôhkhazy ta cha thâtih cha ama thei nahta, “A palôh â ki khao ei vei chuh,” tah ei ta, a chhi awpa ta sie ei ta.

ZUDÂH 1:10

Cha chyhsazy deikua chata ama pahno leipa maih reipachhie ei ta, pachâna a hnei leipa sazy ta ama pikheipa pahnona ama zi thlâhpa hawhta, âmo chhao ama pikheipa pahnona zi hra ei ta, cha chata a pahleipadia ha ei.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.

1 SAMUELA 17:29

Dâvi ta, “Khâpa hmo ma ei parao tly? Bie ei hiahripa tlâ châ ta?” tah ta.