1 SAMUELA 17:24 - Mara Bible RV (BSI)

²⁴ Izarei pheisaih zydua ta, cha chyhsa cha ama hmô nahta, ano tawhta a râpai ei ta, chi ngaita ei ta.

1 SAMUELA 17:24 ပူးပေါင်းရင်းမြစ်များ

ISAI 30:17

Chyhsa pakha pachhiparypa ta, Sâh kha a râ aw ei ta; Chyhsa papangawh pachhiparypa ta, Namâ râ khai aw. Achhâna lâta cha, Tlâhpi laki liata pohraipa tôh hawhta, Siesaipa châ aw ei chi ta; Tlâhthlôh liata ngiana poh hawhta, Siesaipa nama châ aw.

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

THEIHTHAINA 26:36

Nama hry liata laibâhpazy cha, ama chariahpazy râh liata palôh thazeipa ta ei paysa aw ei. Chhohna raohpa tlapa pyu ta âmo cha a chadai aw ta, zaozi tawhta a râpa hawhta a râpai aw ei ta, ahy ta hmahta amâ chadai leipa chhao ta ama pao aw.

MALUHREINA 13:33

Cha liata Nephili mo pahreihpazy hmô pi ta, Anâki pathlazy cha Nephili tawhta a puapazy ama châ. Keimo cha khawsu hawh dei ta a hmô pi ta, âmo chhao ta khawsu hawh dei ta miah ama hmô hra,” tah ei ta.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

1 SAMUELA 17:11

Sawla nata Izarei pheisaih zydua ta Philistinâ chyhsa biereipa cha ama thei nahta, thlazohpa ta chi ngaita ei ta.

1 SAMUELA 17:23

Âmo bie â chho hai nota, Kâthâ khihpa, Philistinâ chyhsa thatlô chaipa, a moh Kôliathâ ama tahpa cha, Philistinâ pheisaihzy hry tawhta vaw pua ta, a bie rei tyhpazy kha vaw reih heih ta, cha biezy cha Dâvi ta thei ta.

1 SAMUELA 17:25

Izarei pheisaihzy ta, “Kha chyhsa a vaw puapa kha nama hmô ma? Izarei pahao awpa ta a vaw pua. Ano a thie theipa cha abei ta sôh nata thih hluhpi piepa ta pahneirôhsa aw ta, a sawchanô pie aw ta, a paw chhôhkha cha râhpaw paeipa ta Izarei râh liata a paysa aw ei,” tah ei ta.