1 SAMUELA 16:7 - Mara Bible RV (BSI)

⁷ Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.

1 SAMUELA 16:7 ပူးပေါင်းရင်းမြစ်များ

ÂTHAONA 4:5

Kainâ nata a hmohlâpa liata deikua cha a ly leipa ta. Chavâta Kainâ cha a pathi ia ngaita ta, a hmia chhie kaw ta.

2 SAMUELA 14:25

Izarei zydua hry liata Absalaw tlu ta a chhithaina ama reithaipa pakha hmah y veih ei. A phei padih tawhta a luh laki taihta sei nawpa rai ano liata y vei.

2 SAMUELA 7:20

Dâvi heta nâ lâta reih awpa khâpa a hnei khao? Hy Abeipa Zehôvâh y, châ chakaotuhpa he na pahno mâh tâh.

1 ABEIZY 8:39

na pahrâna su vârâh liata vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathla zydua palôh a pahnotuhpa châ tlôh chi ta.

1 THÂTIHZYRONA 17:18

Châ chakaotuhpa na palyupalihna kyh liata, Dâvi heta reih awpa khâpa a hnei khao? Châ chakaotuhpa he pahno pasia tlôh chi ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

2 THÂTIHZYRONA 6:30

na pahrâna su vârâh tawhta vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathlazy palôh a pahnotuhpa châ tlôh chi ta.

ZAWBÂ 10:4

Sapa mokhaoh ma na hnei? Chyhsapa hmôpa hawhta ma na hmô hra?

ZAWBÂ 35:5

Ua la, avâzy lâ khi sai tua, Nâ hlâta a sâh viapa meihdozy khi moh tua.

HLAZY 139:2

Ei tyupa nata ei duapa pahno chi ta, Ei pachânazy chhao lâhlapi tawhta na pahno.

HLAZY 7:9

Hy Khazoh siapa, Hmoparaopazy moleina pachhâsa la, Mosiapazy padua mah y; Nâ cha pachâna nata palôhzy pasiatuhpa châ tlôh chi ta.

BIESOZY 15:11

Athihkhih nata Chhokhih hmahta Abeipa hmiakô liata â lâ khai khiahta cha, Chyhsa sawzy palôh chhochhi cha khatlu ta ma a hmiakô liata â lâ aw tly!

BIESOZY 16:2

Ano mo liata cha chyhsa ta a hrozie zydua a pathaihpa hawhta hmô ta, Abeipa deikua cha palôh kho a pathliah tyh.

BIESOZY 24:12

“Pachâ teh, he hmo he pahno ma pi,” Na tah khiahta cha, Palôh khopathliahtuhpa ta pahnopa ta, Na hro a vaotuhpa ta pahno thlâh ha ta, Chyhsa to ama hmotaopa lymâ hawhta viari a thô aw ei.

BIESOZY 31:30

Khoiah hneina cha dôveina châ ta, Chhithaina chhao hraoleipa a châ; Abeipa a chituhpa chanô deikua cha reithaipa a châ aw.

ZEREMIAH 11:20

Châhrasala, Hy Pheisaihzy Abeipa, Siana ta pachia chi ta, Palôh nata pachâna a pasiatuhpa y, Ei thâtih cha nâ ei cha pavaosa hapa vâta, Ama chô liata phuh na lapa na pahmôsa mah y.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 20:12

Hy Pheisaihzy Abeipa, Mosiapazy pasia chi ta, Palôh nata pachâna a hmôtuhpa y, Ei thâtih he nâ cha pavaosa ha tlôh na ta, Ama chô liata phuh na lapa na pahmôsa mah y.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

ZAWHÂNA 7:24

Chôpho lâ alânazie ta pachia leipa u la, pachiana dopa ta pachia teh u,” tah ta.

ZAWHÂNA 8:15

Nâmo ta cha sapa yzie ta pachia tyh ei chi ta, kei deikua la, ahy hmah pachia va na.

HMOTAOPAZY 1:24

Thlahchhâ ei ta, “Hy Abeipa, nâ cha chyhsa zydua palôh pahnotuhpa na châ. He panozy liana heta, ahy he ma nâ tlyhpa a châ tahpa miah pahnosa mah y.

2 KAWRINI 10:10

Thokha ta, “A châpaphaopazy a hri ta, a tha chhao tlô ta, a pôhpa deikua chiehleipa châ ta, a biereipa chhao khâpa hmah châ vei,” eina tah ei.

2 KAWRINI 10:7

Nama mohmô liata a ypazy kha moh tua u. Ahy rai Krista eih a châpa â lôh khiahta cha, ano Krista eih a châpa hawhta, keimo chhao Krista eih eima châzie pahno chanei heih mawh sy.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

1 PITY 2:4

Ano cha chyhsazy kho leipa châ ta, Khazohpa mohmô liata deikua cha, atlyhpa nata sôh ngaitapa alô hrohpa a châ. Abeipa nama pangai hapa vâta,

1 PITY 3:4

chhôh lâta atobina, chhithaina a tleih beih leipa, nônaina nata achalihna palôh ta tlao a tobipa châ mawh sy. Cha cha Khazohpa mohmô ta a sôh ngaita.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.

1 SAMUELA 9:2

Kisâ ta sawchapaw hnei ta, a moh cha Sawla a châ. Ano cha satlia pôraoh a tlai ngaitapa châ ta, Izarei sawzy hry liata ano hlâta hmipha viapa rai y leipa ei ta, chyhsa ahy hmahta a ngiatlâh â khopa y veih ei.