1 SAMUELA 16:5 - Mara Bible RV (BSI)

⁵ Ano ta, “Thlalôhna bie na ei vaw tlôkhei. Abeipa lâta atheihna hlâ awpa ta ei vy. A pathai u la, atheihna hlâna lâ a vy teh u,” tah ta. Zese nata a sawchapawzy cha pathaisa ta, atheihna hlâna liata a hlao awpa ta âmo cha hrua ta.

1 SAMUELA 16:5 ပူးပေါင်းရင်းမြစ်များ

ÂTHAONA 35:2

Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

1 ABEIZY 2:13

Haki sawchapawpa Adôniza cha Sawlawmaw nô Bâsebâ lâ vawh ta. Bâsebâ ta, “Phana kyh lâta a vypa na châ ma?” tah ta. Adôniza ta, “Phana kyh a châ,” tah ta.

1 THÂTIHZYRONA 12:18

Sythôh chô liata hyutuhpa Amasai chô liata Thlahpa vaw tlô ta, ano chata, “Hy Dâvi y, na chyhsazy châ pi ta, Hy Zese sawchapawpa y, Na chhâh a châpazy eima châ hih! Thlalôhna, na chô liata thlalôhna y sala, Châ baotuhpazy chô liata thlalôhna y mawh sy! Na Khazohpa ta a cha bao lymâ hih,” tah ta. Chatawhcha Dâvi ta âmo cha a ly ta, a pheisaih hyutuhpazy ta a tao ha ei.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

ZÔELA 2:16

Zawpi awpakhy u la, Apakhypazy pathaihsa teh u; Machâzy awpakhypa ta, Hawtizy pahmaoh u la, Sâhpi a ngiehpa hawsaihzy taihta pahmaoh teh u. Myuhneituhpa ta a chhôhpadâhpa puasai sala, Myuh chhao ta a chhôhpadâhpa puasai mawh sy.

ZEPHANIA 1:7

Zehôvâh Khazohpa hmiakô liata a chalih teh u, Abeipa noh â hnia haw; Abeipa ta atheihna a chhuanoh ha ta, A hruapazy a pathaisa haw.

MALUHREINA 11:8

Cha cha zawpi ta a huah ei ta, charona liata charopa ta, sôkhaoh liata daih ei ta, cha khai tawhta beih liata chhoh ei ta, viahchhâ ta ama tao. A pahânazie cha viahdie sathaw pahlaopa ta taopa viahchhâ hawhta a châ.

1 KAWRINI 11:28

Chavâta chyhsa ta anosasyh a pasia sala, cha khai tawhta, viahchhâ cha niepa ta, nyu cha doh mawh sy.

ZAWSUA 3:5

Zawsua ta zawpi hnohta, “A pathai teh u, mylâ Abeipa ta nama hry liata hmonoâhpa a tao aw,” tah ta.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

1 SAMUELA 20:26

Cha noh cha Sawla ta khâpa hmah reih vei, “A chô liata hmo a tlôpa y ta, a pathaih leipa a châ aw, a pathaih leipa a châ tlai aw,” tahpa ta pachâ ta.