1 SAMUELA 16:4 - Mara Bible RV (BSI)

⁴ Samuela cha Abeipa reipa hawhta tao ta, Bethlehe lâ cha sie ta. Khihpi machâzy ta a chalyuna chôta ano cha vaw dy ei ta, “Thlalôhna bie a vaw phaohpa na châ ma?” tah ei ta.

1 SAMUELA 16:4 ပူးပေါင်းရင်းမြစ်များ

ÂTHAONA 35:19

Râkheli cha thi ta, Epharâ lâpi liata ama pabu. Epharâ cha Bethlehe a châ.

ÂTHAONA 48:7

Keima kyh liata cha, Pâdâ tawhta ei vaw sie no kha, Râkheli cha lâpi liata Kâna râh liata na thisai ha ta. Epharâ khih tlô nawpa a hla kaw chy ta, chavâta Râkheli cha Epharâ lâpi liata ei pabu. Epharâ cha Bethlehe a châ,” tah ta.

2 SAMUELA 6:9

Cha noh ta Dâvi cha Abeipa chi ngaita ta, “Kheihta ma Abeipa Byh he kei lâ a vaw tlô thei rai aw?” tah ta.

1 ABEIZY 17:18

O hneituhnô ta Elaizâh hnohta, “Hy nâ Khazohpa chyhsa y, ei chô liata palôh châ leina khâpa ma na hnei tly? Ei moleina na pahnosa ta, ei sawchapawpa na thiepa awpa ta a vaw tlôpa na vaw châ he!” tah ta.

1 ABEIZY 2:13

Haki sawchapawpa Adôniza cha Sawlawmaw nô Bâsebâ lâ vawh ta. Bâsebâ ta, “Phana kyh lâta a vypa na châ ma?” tah ta. Adôniza ta, “Phana kyh a châ,” tah ta.

2 ABEIZY 9:22

Zôrâ ta Zehu a hmô nahta, a hnohta, “Zehu, phana kyh a châ ma?” tah ta. Zehu ta a chhy ta, “Na nô Zezebel sihryhna nata dyuthaina a hluh chhôh zydua cha, khâpa phana kyh ma na rei hra?” tah ta.

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

LUKA 2:4

Zawsi chhao Dâvi chhôhkha nata a pathla a châpa vâta, Kâlili râh Nâzari khih tawhta Bethlehe ama tahpa Zudia râh Dâvi khihpi lâ sie ta.

LUKA 5:8

Cha cha Saimaw Pity ta a hmô nahta, Zisu phei thaby liata kei pao ta, “Hy Abeipa, na siesai teh, moleipa ei châ hih,” tah ta.

LUKA 8:37

Kerâsene chheipâh râh liata chyhsa zydua cha chi ngaita ei ta, âmo puasai awpa ta Zisu cha a haw ei ta. Chavâta Zisu cha balyh kiah ta, a lie ha ta.

1 SAMUELA 21:1

Dâvi cha Nôbâ khih liata theihthaipa Ahimele yna kei tlô ta. Ahimele cha a chalyuna chôta Dâvi vaw dy ta, a hnohta, “Khazia nâma dei ta dua, sielâhpa pakha hmah hnei chi va?” tah ta.