1 SAMUELA 16:18 - Mara Bible RV (BSI)

¹⁸ Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.

1 SAMUELA 16:18 ပူးပေါင်းရင်းမြစ်များ

ÂTHAONA 39:2

Abeipa cha Zawsi hnohta y ta. Vânoh thata to ta, a zibeipa Izi chyhsa o liata y ta.

ÂTHAONA 39:23

Abeipa cha Zawsi hnohta y ta, a hmotaopa maih liata Abeipa ta hlaotlohna a pie lymâpa vâta, Zawsi ku liata maophaohna piepazy cha, patâhna o vaituhpa ta mokhei khao vei.

2 SAMUELA 14:20

Hmo yzie panano awpa ta, he hmo he châ chakaotuhpa Zôabâ ta a tao. Ei zibeipa cha alei chô liata hmo zydua pahno thei awpa ta, Khazohpa vâlyuhchapa sona hawhpa sona a hneipa na châ,” tah ta.

2 SAMUELA 17:10

chakeibarôhneipa palôh a phaohpa pasaiphazy palôh taihta a dua khai ha aw. Na paw cha chyhsa thatlôpa châ ta, a hnohta a ypazy chhao pasaiphazy ama châzie Izarei zydua ta pahno khai tlôh ei ta.

2 SAMUELA 17:8

Husai ta, “Na paw nata a chyhsazy cha na pahno ei, pasaiphazy châ ei ta, chyhsa chhyu ngaitapa, lyurâhpa liata chavyh a taw la hapa hawhta amâ hrâh. Cha dei châ vei, na paw cha a dyuhpa chyhsa châ ta, zawpi hry liata a rie ngyu aw vei.

BIESOZY 12:8

Pahnona phapa a hneipa chyhsa cha reithaina hlao ta, Palôh chhiepa chyhsa deikua cha mohnaona a hlao tyh.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

1 SAMUELA 10:7

He ngianazy he na chô liata a vaw tlô tita, na ku ta tao awpa a hmôpa maih tao lymâ mah y, Khazohpa na hnohta a y lymâ aw.

1 SAMUELA 16:12

Kei paawsa ta, a vaw chhi ei ta. Sabia panyu kawpa, a mopadei a ngia kawpa nata hmipha ngaitapa châ ta. Abeipa ta Samuela hnohta, “Thyu la, sathawthu teh, kha tlai kha na a châ,” tah ta.

1 SAMUELA 16:17

Sawla ta a chakaotuhpazy hnohta, “Totâ tô thaipa cha na pachâpa u la, kei lâ a vaw chhi teh u,” tah ta.

1 SAMUELA 16:19

Sawla ta Zese lâ chyhsa tuah ta, “Na sawchapawpa Davi, mietaku vaituhpa kha kei lâ a vy mawh sy,” tah ta.

1 SAMUELA 17:12

Dâvi cha Zese sawchapawpa châ ta, Zese cha Zudâh râh Bethlehe liata Ephrâthâ chyhsa kha a châ. Zese cha sawchapaw pacharie hnei ta, Sawla â bei daihti liata cha, pawpipa kô uhthei kawpa châ ha ta.

1 SAMUELA 3:19

Samuela cha laiseih lymâ ta, a hnohta Abeipa y ta, a bie reipazy leilô liata a pailyupa y vei.