1 SAMUELA 16:14 - Mara Bible RV (BSI)

¹⁴ Abeipa Thlahpa ta Sawla cha puasai ha ta, Abeipa tuapa ahripa ta ano cha patypamâ ta.

1 SAMUELA 16:14 ပူးပေါင်းရင်းမြစ်များ

2 SAMUELA 7:15

Châhrasala ei zawngiahna ta ano cha siesai beih aw vei. Na hmiakô tawhta ei la hapa Sawla tawhta ei zawngiahna ta a siesai hapa hawhna khata châ aw vei.

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

1 ABEIZY 22:22

Abeipa ta a hnohta, ‘Khâpa ta maw?’ tah ta. Ano ta, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

HLAZY 51:11

Na hmiakô tawhta na thy leipa la, Na Thlahpa Pathaihpa na lapa khah y.

HÔSIA 9:12

Saw amâ pyhpa chhao ta, Pakha hmah ama y khao leina taihta Mâchhie ei pasasa lymâ aw ei. Ei heihsai ti ei ta cha, Ama hu a po tlai aw.

RYUREITUHPAZY 16:20

Delilâ ta a hnohta, “Sâsawna, Philistinâ mo ta ama cha vaw siehnao!” tah ta. Â môpa cha a kaw hra ta, “Noh hrozy hawhna khata pua aw na ta, ei tlieh papua thlâh heih awh,” tahpa ta pachâ ta. Abeipa ta a siesai hapa pahno vei.

RYUREITUHPAZY 16:29

Chatawhcha Sâsawna ta o apahniehna asu tôh miano cha hria ta, a ku chachâh lâta miakha patu ta, a ku chavei lâta miakha patu ta.

RYUREITUHPAZY 9:23

Khazohpa ta Abimele nata Sekhe khih nôpawzy likah liata thlahpa chhiepa vaw tuah ta. Sekhe khih nôpawzy ta Abimele chô liata piehpie ngaitapa ta hmo tao ei ta.

1 SAMUELA 11:6

Cha biezy cha a theipata nahta, Khazohpa thlahpa cha Sawla chô liata thatlô ngaitapa ta vaw tlô ta, a hie thata hâh ta.

1 SAMUELA 16:15

Sawla chakaotuhpazy ta a hnohta, “Pachâ teh, Khazohpa tuapa ahripa ta a cha patypamâpa a châ hih.

1 SAMUELA 16:16

Eima zibeipa ta na hmiakô liata a ypa châ chakaotuhpazy he totâ tô thaipa tlua awpa ta bie miah pie sala, na chô liata Khazohpa tuapa ahripa a vaw tlôna maihta, totâ tô tyh aw ta, na pha thlâh ha aw,” tah ei ta.

1 SAMUELA 16:23

Khazohpa tuapa ahripa Sawla chô liata a vaw tlôna maihta, Dâvi cha totâ la ta, tô tyh ta. Chatanachata Sawla cha vaw tlâhpa ta, pha heih tyh ta, ahripa ta ano cha a puasai ha tyh.

1 SAMUELA 18:10

A mylâ ta Khazohpa tuapa thlahpa chhiepa cha Sawla chô liata vaw tlô ta, o chhôh liata thata a chiaburâh ta. Dâvi cha noh hro ta a tao tyhpa hawhta, to ta tô heih ta. Sawla cha a ku liata asei a chaba thlâh ha ta.

1 SAMUELA 18:12

Abeipa ta Sawla siesai ha ta, Dâvi deikua cha a ypâpa vâta, Sawla ta Dâvi cha chi kaw ta.

1 SAMUELA 28:15

Samuela ta Sawla hnohta, “Khazia he hawhta na aw papuapa ta eina patypamâ chi?” tah ta. Sawla ta a chhy ta, “Ei nôpo ngaitapa vâta a châ. Philistinâ mo ta nâ dyuh ei ta, Khazohpa hra cha nâ heihsai ha ta, hrohsopazy hmâpa ta tlyma, mâ lâta tlyma, nâ chhy khao leipa ta. Chavâta ei tao awpa na chho awpa ta ei cha aw papua,” tah ta.