1 SAMUELA 16:13 - Mara Bible RV (BSI)

¹³ Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.

1 SAMUELA 16:13 ပူးပေါင်းရင်းမြစ်များ

2 SAMUELA 12:7

Nâthâ ta Dâvi hnohta, “Cha chyhsa cha nâma he na châ! Abeipa, Izarei Khazohpa ta hetana heta a tah: ‘Izarei bei châta sathaw cha thu na ta, Sawla ku tawhta ei cha pachha.

2 SAMUELA 2:4

Zudâh chyhsazy a vy ei ta, cha liata Dâvi cha Zudâh pathlazy chô liata bei châ awpa ta sathaw ama thu. “Sawla ri cha Zebekilia mo ta ama pabu,” tahpa ta Dâvi cha chho ei ta,

2 SAMUELA 23:1

Hezy he Dâvi bieta hnôhchaipazy a châ: Hezy he Zese sawchapawpa Dâvi biereipa châ ta, Â sâhpa ta cheihchalopa biereipa a châ. Zakaw Khazohpa sathawthupa biereipa châ ta, Izarei hlaphi thaipa hla phipazy a châ.

2 SAMUELA 5:3

Chatanachata Izarei machâ zydua cha Hebraw liata abei lâ a vy ei ta. Bei Dâvi ta Hebraw liana chata Abeipa hmiakô liata ama hnohta bie hraih ta. Dâvi cha Izarei chô liata bei châ awpa ta sathawthu ei ta.

2 ABEIZY 9:6

Zehu cha thyu ta, o chhôh lâ a ngia ta. Satliapa ta a luh liata sathaw hry ta, a hnohta, “Zehôvah, Izarei Khazohpa ta hetana heta a tah: Abeipa phopi Izarei chô liata bei châta sathaw ei cha thu.

1 THÂTIHZYRONA 11:3

Chatanachata Izarei machâ zydua cha Hebraw liata abei lâ a vy ei ta. Dâvi ta Hebraw liana cha Abeipa hmiakô liata ama hnohta bie hraih ta. Abeipa ta Samuela hmâpa ta a reipa hawhta, Dâvi cha Izarei bei châta sathawthu ei ta.

HLAZY 89:20

Nâ chakaotuhpa Dâvi hmô na ta, Ei sathaw pathaihpa ta ano cha sathaw ei thu.

HLAZY 89:21

Ei ku ta ano cha padua aw ta, Ei bâh ta tha a patlô aw.

MALUHREINA 11:17

Za chô aw na ta, cha liata bie ei châ vaw chho aw. Nâ liata thlahpa a ypa kha la aw na ta, ama chô liata ei soh aw. Chatanachata zawpi phaohri cha, cha phaokhei aw ei ta, nâ dei ta phaoh khao aw va chi.

MALUHREINA 27:18

Abeipa ta Mawsi hnohta, “Nunâ sawchapawpa Zawsua, thlahpa ta a ylâhpa chyhsa kha a chhi la, a chô liata na ku pahnieh mah y.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

HMOTAOPAZY 13:22

Sawla a thy tawhta, Khazohpa ta Dâvi cha ama bei châta padua ta, Khazohpa ta, ‘Zese sawchapawpa Dâvi liata, ei palôh a phaohpa, ei khopa zydua a tao awpa ei hmô haw,’ tah ta.

HEBRAI 1:9

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HEBRAI 11:32

Khâpa eima reih khao aw? Kidia, Bâraka, Sâsawna, Zephathâ, Dâvi, Samuela nata hrohsopazy kyh reih aw sah la, daihti ta nâ daih aw vei.

RYUREITUHPAZY 11:29

Abeipa Thlahpa cha Zephathâ chô liata vaw tlô ta. Chatanachata Kilia nata Manase zy chapiapa ta Kilia liata Mizpâ a ngia ta, Kilia liata Mizpâ tawhta Amawna mo yna lâ sie lymâ ta.

RYUREITUHPAZY 13:25

Zôrâh nata Estaw likawh ta Mahânedâ liata a y nota Abeipa Thlahpa ta a chô liata raihria pathao ta.

RYUREITUHPAZY 14:6

Abeipa Thlahpa cha a chô liata thlai vaw tlô ta, a ku liata khâpa hmah â chaba leipa chhao ta, chakeibarôhneipa cha mietaw hriechheihpa hawhta a tlawhpoh ta hriechheih ha ta. Châhrasala a hmotaopa cha a paw tlyma, a nô tlyma chho vei.

RYUREITUHPAZY 3:10

Abeipa thlahpa a chô liata vaw tlô ta, Izarei chô liata ryureih ta. Ôthane cha adyuhna lâ sie ta, Abeipa ta Mesôpôtamia bei Kusarisathai cha a ku liata pie ta, Kusarisathai cha a pahnie haw.

1 SAMUELA 1:19

Mydi kari ta thyu ei ta, Abeipa amâ chhy khai nahta, Râmâ liata ama o lâ a lie ei ta. Elkânâ ta a lapinô Hânâ cha a zialâh ta. Abeipa ta Hânâ cha a thei thlâh ha ta.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.

1 SAMUELA 10:6

Nâma chô liata chhao Abeipa thlahpa cha thatlô ngaitapa ta vaw tlô aw ta, nâ chhao ama hry liata a hlaopa ta hrohsona bie phuah hra aw chi ta, chyhsa nanopa lâta pananopa na vaw châ ha aw.

1 SAMUELA 11:6

Cha biezy cha a theipata nahta, Khazohpa thlahpa cha Sawla chô liata thatlô ngaitapa ta vaw tlô ta, a hie thata hâh ta.

1 SAMUELA 16:18

Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.

1 SAMUELA 18:12

Abeipa ta Sawla siesai ha ta, Dâvi deikua cha a ypâpa vâta, Sawla ta Dâvi cha chi kaw ta.

1 SAMUELA 2:35

Chatawhcha ei châta theihthaipa ngâchhihpa padua aw na ta, ano chata ei palôh liata nata ei pachâna liata hmo a ypa hawhta tao aw ta, chipathla a ipa ei paduapa awpa vâta a chi lei leipa aw ta, ei sathawthupa hmiakô liata chhâzaw ta a y aw.