1 SAMUELA 16:12 - Mara Bible RV (BSI)

¹² Kei paawsa ta, a vaw chhi ei ta. Sabia panyu kawpa, a mopadei a ngia kawpa nata hmipha ngaitapa châ ta. Abeipa ta Samuela hnohta, “Thyu la, sathawthu teh, kha tlai kha na a châ,” tah ta.

1 SAMUELA 16:12 ပူးပေါင်းရင်းမြစ်များ

ÂTHAONA 39:6

Chavâta a hneipa zydua Zawsi ku liata soh khai ta, Zawsi a ypa vâta pati a nie awpa tah leipa ta cha, Pawtipha ta khâpa hmah pachâ khao vei. Zawsi cha chyhsa pôraoh pha kawpa châ ta, a hmi chhao pha kaw ta.

2 SAMUELA 23:1

Hezy he Dâvi bieta hnôhchaipazy a châ: Hezy he Zese sawchapawpa Dâvi biereipa châ ta, Â sâhpa ta cheihchalopa biereipa a châ. Zakaw Khazohpa sathawthupa biereipa châ ta, Izarei hlaphi thaipa hla phipazy a châ.

2 SAMUELA 7:8

Chavâta tahmâ nâ chakaotuhpa Dâvi hnohta hetana heta kei chho teh. ‘Pheisaihzy Abeipa ta hetana heta a tah: Ei phopi Izarei chô liata ryureituhpa châ awpa ta sibiepa su tawhta nata mietakuzy na vaina tawhta cha la papua na ta,

1 ABEIZY 1:34

Cha liata, theihthaipa Zadô nata hrohsopa Nâthâ ta Izarei bei châta sathaw za thu mawh ei sy. Cha khai tawhta chiahmie tô aw ei chi ta,, ‘Bei Sawlawmaw hroh pareih mawh sy!’ nama tah aw.

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

HLAZY 78:70

A chakaotuhpa Dâvi cha a tlyh ta, Mietaku sadôzy tawhta a aw papua.

PUASAINA 2:2

Chanô cha saw phaoh ta, sawchapaw sa ta, hawsaih khochhih kawpa a châpa a nô ta hmô ta, thla thôh nyu ta.

HLAZY HLA 5:10

Ei lôhdupaw cha a mo ngyuh ta, A sapati chhao pha kaw ta; Thy kha hry liata â lâ patlua.

CHAPHÔHTUNA 4:7

A Nâzaraizy dâhaw hlâta pa­thaih via ei ta, Sâhpiti hlâta ama ngyuh via; Ama sapatie rubi lôsôhpa hlâta a noh thyu via ta, Ama pizie cha saphai lôsôhpa hawhta â ngiapa ama châ.

ZEKARIA 4:14

“Hezy he khizaw zydua liata Abeipa a chakao awpa sathawthupa panozy ama châ,” tahpa ta na chho ta.

HMOTAOPAZY 4:27

He khihpi liana heta, châ chakaotuhpa pathaihpa, na sathawthupa Zisu kyh vâta, Herawda nata Pawtia Pilâ nata Zenitaizy nata Izarei chiphozy amâ hmaohpakhy.

HMOTAOPAZY 7:20

Cha daihti liata Mawsi vaw pih ta, Khazohpa mohmô ta hmi pha kawpa châ ta. A paw o liata thla thôh mohôhpa a châ tawhta,

HEBRAI 11:23

Ngiapâna ta Mawsi a pi nona kha, hawsaih hmipha kawpa ta ama hmôpa vâta, a nôpawzy ta thla thôh chhôh nyu ei ta, bei biepiepa chhao chi veih ei.

1 SAMUELA 16:18

Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.

1 SAMUELA 17:42

Philistinâ chyhsa cha a vaw heih ta, Dâvi a vaw hmô nahta, sabia panyupa nata a mopadei a ngia kawpa thyudyupa dei a châpa vâta mohnao kaw ta.

1 SAMUELA 17:55

Dâvi ta Philistinâ chyhsa a thyuhnaopa Sawla ta a hmô nah khata, pheisaih hyutuhpa Abane hnohta, “Abane, hao satliapa hao ahy saw maw?” tah ta. Abane ta, “Na hrona reipa ta ei reih, Hy abei y, pahno cheita va na,” tah ta.

1 SAMUELA 9:17

Samuela ta Sawla a hmô nahta, Abeipa ta a hnohta, “Mo teh, kha chyhsa kha a kyh ei cha chhopa chyhsa cha a châ. Ano ta ei phopi chô liata ryu a reih aw,” tah ta.