1 SAMUELA 16:11 - Mara Bible RV (BSI)

¹¹ Samuela ta Zese hnohta, “Na sawchapawpa zydua amâ ki ma?” tah ta. Zese ta, “A seihnai chaipa y ta, châhrasala ano cha mietakuzy vaina liata na a y haw,” tah ta. Samuela ta Zese hnohta, “Kei paawsa teh, a vaw tlô hlâlei a tyuh aw ma pi,” tah ta.

1 SAMUELA 16:11 ပူးပေါင်းရင်းမြစ်များ

2 SAMUELA 13:3

Amanaw heta viasa pakha, a moh Zônadâ ama tahpa hnei ta, ano he Dâvi unawhpa Simei sawchapawpa a châ. Zônadâ he chyhsa so piehpie ngaitapa châ ta.

2 SAMUELA 7:8

Chavâta tahmâ nâ chakaotuhpa Dâvi hnohta hetana heta kei chho teh. ‘Pheisaihzy Abeipa ta hetana heta a tah: Ei phopi Izarei chô liata ryureituhpa châ awpa ta sibiepa su tawhta nata mietakuzy na vaina tawhta cha la papua na ta,

1 THÂTIHZYRONA 17:7

Chavâta tahmâ nâ chakaotuhpa Dâvi hnohta hetana heta kei chho teh, ‘Pheisaihzy Abeipa ta hetana heta a tah, ei phopi Izarei chô liata ryureituhpa châ awpa ta, sibiepa su tawhta nata mietakuzy na vaina tawhta cha la papua na ta,

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

1 SAMUELA 16:10

Zese ta a sawchapawpa pasarizy cha Samuela hmiakô lâ pavawsa ta. Samuela ta Zese hnohta, “Abeipa ta âmo he a tlyh tlâ vei,” tah ta.

1 SAMUELA 17:28

Pheisaihzy hnohta Dâvi biereipa cha, a uhta uhthei chaipa Eliabâ ta vaw thei ta. Eliabâ cha Dâvi chô liata a hie thata hâh ta, a hnohta, “Khazia nâ zu hra? Râhchawhpa liata mietaku a chyhta a ypazy kha ahy na pavaisa? Akhotlâh kawpa nata palôh moleipa a phaohpa na châ tahpa ei pahno. Adyuhna mo awpa ta a zupa na châ hih,” tah ta.