1 SAMUELA 16:1 - Mara Bible RV (BSI)

¹ Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.

1 SAMUELA 16:1 ပူးပေါင်းရင်းမြစ်များ

1 ABEIZY 8:16

Abeipa ta, ‘Izi râh tawhta ei phopi Izarei ei chhi papua noh tawhta, ei moh y nawpa o sa nawpa su châta, Izarei chizy hry liata kheihawhpa khih hmahta a tlyh beih va na. Châhrasala ei phopi Izarei hyutuhpa châta Dâvi cha ei tlyhpa a châ,’ tah ta.

2 ABEIZY 9:1

Hrohsopa Elaisâh ta hrohsopa sahlao sawchapawzy hry liata pakha aw ta, a hnohta, “Na chai a saih la, he sathaw byh he na ku ta chaba la, Ramôkilia khih lâ vawh teh.

2 ABEIZY 9:3

Chatawhcha sathaw byh la la, a luh liata hry la, a hnohta, ‘Abeipa ta hetana heta a tah, Izarei chô liata bei châta sathaw ei cha thu,’ tah mah y. Chatawhcha ochhi pahy la, a râ ha mah y. Na y parei awpa châ vei,” tah ta.

2 ABEIZY 9:6

Zehu cha thyu ta, o chhôh lâ a ngia ta. Satliapa ta a luh liata sathaw hry ta, a hnohta, “Zehôvah, Izarei Khazohpa ta hetana heta a tah: Abeipa phopi Izarei chô liata bei châta sathaw ei cha thu.

1 THÂTIHZYRONA 11:3

Chatanachata Izarei machâ zydua cha Hebraw liata abei lâ a vy ei ta. Dâvi ta Hebraw liana cha Abeipa hmiakô liata ama hnohta bie hraih ta. Abeipa ta Samuela hmâpa ta a reipa hawhta, Dâvi cha Izarei bei châta sathawthu ei ta.

1 THÂTIHZYRONA 28:4

Chatahrasala Abeipa Izarei Khazohpa ta, kei he Izarei bei ta chhâzaw ta y awpa ta, ei paw chhôhkha zydua hry tawhta nâ tlyh ta. Zudâh cha chhituhpa châta a tlyh ta, Zudâh chi tawhta ei paw chhôhkha a tlyh ta, ei paw sawchapawzy hry tawhta kei cha Izarei zydua chô liata bei châ awpa ta a ly kawpa ta nâ tlyh ta.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 55:4

Ano cha phopizy châta pahnokheituhpa ta rao na ta, Phopizy chhituhpa nata hyutuhpa ta ei rao.

ZEREMIAH 11:14

“Chavâta he phopi he thlahchhâpa leipa la, âmo châta awh hra leipa la, thlahchhâ hra khah y. Ama nôpona daihti liata na aw hra ei sala nathlie khao aw veih ei na.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 6:30

Abeipa ta a dytha hapa vâ ei ta, Tâkâ sôh leipa tahpa ama châ aw.”

ZEREMIAH 7:16

“Chavâta he phopi châna heta thlahchhâ khoh hlei khah y. Âmo châta awh leipa la, thlahchhâna ao papua hra leipa la, kei lâta hiana taopa hra khah y, cha nathlie aw va na.

ZEKARIA 4:14

“Hezy he khizaw zydua liata Abeipa a chakao awpa sathawthupa panozy ama châ,” tahpa ta na chho ta.

RAWMA 15:12

Isai chhao ta, “Zese thari kaw pyuh aw ta, Zenitaizy ryureituhpa a vaw pua aw; Ano liata Zenitaizy hnabeiseihna a y aw,” tahpa ta a vaw reih hra.

HEBRAI 11:32

Khâpa eima reih khao aw? Kidia, Bâraka, Sâsawna, Zephathâ, Dâvi, Samuela nata hrohsopazy kyh reih aw sah la, daihti ta nâ daih aw vei.

1 ZAWHÂNA 5:16

Chyhsa ta thina taih a châ leipa moleina a unawhpa taopa a hmô khiahta cha, thlah a chhâpa awpa a châ. Chatanachata thina taih a châ leipa moleina a taotuhpazy cha Khazohpa ta hrona a pie aw ei. Thina taih a châpa moleina y ta, cha hawhpa châta thlahchhâpa awpa ei tahpa châ vei.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.

1 SAMUELA 15:26

Samuela ta Sawla hnohta, “Châ liekhei aw va na. Abeipa bie na khoh leipa vâta, Abeipa ta nâ chhao Izarei chô liata bei châta cha khoh khao hra vei,” tah ta.

1 SAMUELA 15:35

Cha noh tawhna chata Samuela cha a thi noh taihta Sawla a hmô khao vei. Chatanachôta Samuela cha Sawla vâta a pachâ a rôh ngaita tyh. Abeipa ta Izarei chô liata bei châ awpa ta Sawla a vaw taopa cha â ngiapachhi ngaita.

1 SAMUELA 16:15

Sawla chakaotuhpazy ta a hnohta, “Pachâ teh, Khazohpa tuapa ahripa ta a cha patypamâpa a châ hih.

1 SAMUELA 16:23

Khazohpa tuapa ahripa Sawla chô liata a vaw tlôna maihta, Dâvi cha totâ la ta, tô tyh ta. Chatanachata Sawla cha vaw tlâhpa ta, pha heih tyh ta, ahripa ta ano cha a puasai ha tyh.

1 SAMUELA 17:12

Dâvi cha Zese sawchapawpa châ ta, Zese cha Zudâh râh Bethlehe liata Ephrâthâ chyhsa kha a châ. Zese cha sawchapaw pacharie hnei ta, Sawla â bei daihti liata cha, pawpipa kô uhthei kawpa châ ha ta.

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.