1 SAMUELA 15:28 - Mara Bible RV (BSI)

²⁸ Samuela ta a hnohta, “Tanoh tawhna heta Abeipa ta Izarei khinarâh cha nâma tawhta la ha ta, nâma hlâta a pha viapa, na opapa hnohta a pie haw.

1 SAMUELA 15:28 ပူးပေါင်းရင်းမြစ်များ

2 SAMUELA 3:10

Khinarâh cha Sawla chhôhkha tawhta pasiepa châ aw ta, Dâvi beidyuchhai cha Izarei nata Zudâh chô liata, Dânâ tawhta Besebâ taihta paduapa a châ awpa kyh Abeipa bietai kha ei patlôpa aw,” tah ta.

2 SAMUELA 3:18

Tahmâ he tao daihti a châ hih. Abeipa ta Dâvi chô liata bie a taih ta, a hnohta, ‘Nâ chakaotuhpa Dâvi ku ta ei phopi Izarei he Philistinâ mo ku tawhta nata ama chariahpa zydua ku tawhta ei pachha aw,’ tahpa ta a vaw rei hapa a châ,” tah ta.

2 SAMUELA 3:9

Abeipa ta Dâvi hnohta bie â taihpa hawhta, Dâvi châta ei taopa vei khiahta la, Khazohpa ta Abane chô liata a kho ta tao sala, cha hlâta pasa viapa chhao ta tao mawh sy.

2 SAMUELA 6:21

Dâvi ta Mikâli hnohta, “Na paw chô lâta nata a chhôhkha zydua chô lâta nâ tlyhtuhpa Abeipa hmiakô liata lâh na ta, Abeipa phopi Izarei chô liata bei ta nâ raotuhpa hmiakô liata ei lâpa a châ. Abeipa hmiakô liata la ei lâh lymâ aw.

1 ABEIZY 11:11

Chavâta Abeipa ta Sawlawmaw hnohta, “He hawhta y ha chi ta, zyh awpa ta bie ei cha piepa, ei biehrai nata ei bieraopazy na zyh leipa vâta, khinarâh he cha chhu aw na ta, châ chakaotuhpa ei pie aw.

1 THÂTIHZYRONA 10:14

Abeipa chhihthana tlua vei. Chavâta Abeipa ta Sawla cha thie ta, a khinarâh cha Zese sawchapawpa Dâvi hnohta a pie haw.

ZAWBÂ 34:24

Chyhsa thatlôpazy cha ama thâtih pasia byuh leipa ta parao ta, Ama su liata mohropazy a padua ei.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 4:32

Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

ZAWHÂNA 19:11

Zisu ta a chhy ta, “Chô lâ tawhta biehneina piepa na châ vei khiahta la, ei chô liata khâpa biehneina hmah hnei va chi. Chavâta nâ lâta nâ vaw hlâtuhpa moleina he a lai via,” tah ta.

HMOTAOPAZY 13:22

Sawla a thy tawhta, Khazohpa ta Dâvi cha ama bei châta padua ta, Khazohpa ta, ‘Zese sawchapawpa Dâvi liata, ei palôh a phaohpa, ei khopa zydua a tao awpa ei hmô haw,’ tah ta.

RAWMA 13:1

Chyhsa to ta ama chô liata ryureituhpazy bie ama zyh awpa a châ. Khazohpa rao leipa ryureituhpa y veih ei. Ryureituhpazy cha Khazohpa raopa ama châ.

1 SAMUELA 13:14

Châhrasala tahmâ cha na khinarâh he a duah parei khao aw vei. Abeipa ta bie a cha piepa na zyh leipa vâta, Abeipa ta ano palôh a phaohpa chyhsa tlua ta, a phopi chô liata a bei awpa ta Abeipa ta ano cha a rao haw,” tah ta.

1 SAMUELA 16:12

Kei paawsa ta, a vaw chhi ei ta. Sabia panyu kawpa, a mopadei a ngia kawpa nata hmipha ngaitapa châ ta. Abeipa ta Samuela hnohta, “Thyu la, sathawthu teh, kha tlai kha na a châ,” tah ta.

1 SAMUELA 18:8

Sawla cha a hiehâh ngaita ta, cha hla biezy chata palysa lei kaw ta. “Dâvi cha a thy patosa ei ta, kei cha a sâh deita eina patosa ei, khinarâh tah leipa ta cha, a to awpa hropa khâpa a y khao,” tah ta.

1 SAMUELA 25:30

Chatanachata Abeipa ta nâma kyh liata hmo phapa â taihpa zydua hawhta ei zibeipa chô liata taopa ta, Izarei bei ta a cha padua tita,