1 SAMUELA 15:24 - Mara Bible RV (BSI)

²⁴ Sawla ta Samuela hnohta, “Ei vaw molei haw. Zawpi chi na ta, ama ao ei nathliepa vâta, Abeipa biepiepa nata nâma biezy ei vaw parao haw.

1 SAMUELA 15:24 ပူးပေါင်းရင်းမြစ်များ

ÂTHAONA 3:12

Âdâh ta, “Na ylâh awpa ta chanô eina piepa chi khata, tho thei cha na pie ta, ei nie haw,” tah ta.

ÂTHAONA 3:17

Âdâh hnohta, “Na lapinô bie nathlie chi ta, ‘Na nie awpa châ vei,’ tahpa ta bie ei cha piepa tho thei na niepa vâta, “Nâma vâta chhaohlei he chhiesapa ta y ha ta, Na hro chhôh zydua ta riethei taopa ta, Chhaohlei thei na nie aw.

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

ZAWBÂ 31:34

Zawpizy chi ngaita aw na ta, Ei chhôhkhazy mohnaona ta ei thlah eina pazo awpa vâta, A chalih aw na ta khô pua ngâh aw va na.

HLAZY 51:4

Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

PUASAINA 10:16

Chatawhcha Phiraoh ta Mawsi nata Arawna cha a chatliepa ta aw ta, ama hnohta, “Abeipa nama Khazohpa chô liata nata nâmo chô liata hmo ei parao haw.

PUASAINA 23:2

Hmo moleipa taona liata zawpi na zi awpa châ leipa ta, biepeipa pachiana liata bie pahnotuhpa ta nâ dua tita, ryureina dopa tleisai awpa ta zawpi na zi awpa châ vei.

PUASAINA 9:27

Phiraoh ta Mawsi nata Arawna cha paawsa ta, ama hnohta, “Tahmâ la ei vaw molei ha tlai na. Abeipa cha a do ta, kei nata ei phopi tlai he moleipa cha eima châ.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

ZEREMIAH 38:5

Bei Zedekia ta, “Moh teh u, Zeremiah cha nama ku liata a y. Nâmo chakhiapa ta cha abei heta tao theipa hnei va,” tah ta.

MALUHREINA 22:34

Bâlâma ta vâlyuhchâpa hnohta, “Ei vaw molei ha na. Na pakhâ awpa ta lâpi liata nâ vaw duah tahpa ei pahno leipa vâta a châ. Chavâta ei sie awpa he na hmiakô liata hmo pha leipa a châ khiahta cha, tahmâ he ei kua aw,” tah ta.

MATHAI 27:4

Ama hnohta, “Pei hria leipa thisaih ei paphasaipa vâta, ei vaw molei haw,” tah ta. Âmo ta, “Cha cha keimo châta khâpa a pei aw? Nâma tao ta tao teh” tah ei ta.

KALATIA 1:10

Tahmâ he chyhsa apykheina ma ei tlua, Khazohpa apykheina maw? Chyhsa palysa a chhuahpa ma ei châ? Chyhsa palysa ei chhuah khiahta la, Krista chakaotuhpa châ aw va na.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

1 SAMUELA 15:15

Sawla ta, “Amale mo eih amâ vaw chhipa a châ. Abeipa na Khazohpa lâta atheihna hlâ nawpa ta pheisaihzy ta mietaku nata viahchao pha chaipazy ama pahlôh. Ahropa zydua cha tlokhuh eima pahleipadia khai haw,” tah ta.

1 SAMUELA 15:30

Sawla ta, “Ei vaw molei ha tlai na. Chatahrasala ei châ haw na, ei chiheih machâzy nata Izarei hmiakô liana heta tahmâ na palyupalih la, Abeipa na Khazohpa hmiakô liata ei bôh thei nawpa ta, rie na kuakhei mah y,” tah ta.

1 SAMUELA 15:9

Sawla nata pheisaihzy ta Akâ cha pahlôh ei ta, mietaku nata viahchao pha chaipazy, viahchaotaw nata mietakutaw thawhpazy, a phapa maih pahlôh ei ta. Chazy cha tlokhuh pahleipadia khai ha awpa pasaih leipa ei ta. A pha leipa nata ama kho leipa maih deikua cha, pahleipadia khai ha ei ta.

1 SAMUELA 2:29

Cha hawhta a châ nota, khazia ma ei pahrâna su châta bie ei piepa atheihna nata hmohlâpazy mohnao ei chi ta, kei hlâta na sawchapawzy palyupalih viapa ta, ei phopi Izarei sawzy hmohlâpa to tawhta a pahâh chaipazy cha nâmo a pathawhna châta nama hmâh?

1 SAMUELA 26:21

Sawla ta, “Ei vaw molei ha na. Vaw kua ha mah y, ei sawchapawpa Davi. Ei hrona he na mohmô liata tanoh sôh ngaita ta, chavâta kheihta hmahta cha tah khao aw va na. Moh teh, hru kawpa ta hmo vaw tao na ta, ei vaw tao chhei ngaita,” tah ta.