1 SAMUELA 15:23 - Mara Bible RV (BSI)

²³ Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.

1 SAMUELA 15:23 ပူးပေါင်းရင်းမြစ်များ

ÂTHAONA 31:19

Mietaku hmi ngyu awpa ta Lâbâ a sie chhôh ta, Râkheli ta a paw khazoh nothlahpa paru ta.

ÂTHAONA 31:34

Râkheli ta khazoh nothlahpazy kha a vaw la hapa châ ta, râraoseihpa kypadia chhôh liata soh ta, a tyuhnie ha ta. Lâbâ ta poh o chhôh zydua cha hrao khai ha ta, châhrasala khazoh nothlahpazy cha hmô leipa ta.

2 SAMUELA 12:9

Khazia ma Abeipa bie khâpasaw ta rei leipa chi ta, a mohmô liata hmo pha leipa na tao? Hiti chyhsa Uria cha zaozi ta thie chi ta, a lapinô cha na lapinô châta hnei chi ta, Amawna mo zaozi ta Uria cha na thie haw.

2 SAMUELA 7:15

Châhrasala ei zawngiahna ta ano cha siesai beih aw vei. Na hmiakô tawhta ei la hapa Sawla tawhta ei zawngiahna ta a siesai hapa hawhna khata châ aw vei.

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

ZAWBÂ 34:37

A moleina baichha nawpa ta Khazohpa chakhia ta, A ku miah chabaih chiepa ta, Khazohpa chakhiana bie a papôh tyh.”

HLAZY 107:11

Khazohpa bie chakhia ei ta, Chônôchaipa ryhraona khâpasaw ta ama rei leipa vâta a châ.

PUASAINA 22:18

“Dyuthaipa chanô na pahlôh awpa châ vei.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

ZEREMIAH 16:12

Nâmo tlai chhao, châ pathlatuhpazy hlâta paru via ei chi ta, pachâ tua u, chyhsa to nama palôh chhorupa moleina lâpi a chhih ei chi ta, kei na nathlie khoh veih ei chi.

ZEREMIAH 28:16

Chavâta Abeipa ta hetana heta a tah: ‘Pachâ teh, alei cho tawhta ei cha thy aw. Abeipa chakhiana bie na reipa vâta, atakô lia tlai ta na thi aw,’” tah ta.

ZEREMIAH 29:32

Chavâta Abeipa ta hetana heta a tah: Nathlie teh u, Nehelâ chyhsa Semiah nata a pathlazy cha ei hrie tlai aw ei. Abeipa chakhiana bie a reipa vâta, he phopi hry liata a pathla pakha hmahta hroh leipa aw ei ta, ei phopi chô liata hmo phapa ei tao awpa chhao hmô aw vei, Abeipa ta a tah,’ tahpa ta châ paphao mah y,” tah ta.

HÔSIA 13:11

Ei hiehâhpa ta bei cha pie na ta, Ei pathi iapa ta ei la ha heih.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

THEIHTHAINA 20:27

“Chapaw rai, chanô rai, peihthaipa nata ahripa lâta pachaona a taopa cha thie thlyu awpa châ ta, alô ta vawhsao awpa a châ. Ama thisaih maoh ama phaoh aw,” tah ta.

THEIHTHAINA 20:6

“Apeihpazy nata ahripa lâta pachaona a taopazy pangaipa ta, âmo pazipa ta a sihryhpa cha, cha chyhsa cha a heihnao aw na ta, a phopi tawhta ei chhawh pathlah aw.

MALUHREINA 14:9

Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

HMOTAOPAZY 13:22

Sawla a thy tawhta, Khazohpa ta Dâvi cha ama bei châta padua ta, Khazohpa ta, ‘Zese sawchapawpa Dâvi liata, ei palôh a phaohpa, ei khopa zydua a tao awpa ei hmô haw,’ tah ta.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

KALATIA 5:20

nothlahpa achhyna, dyuthaina, ahaona, ahryuna, hiatliana, pathichhiena, ateina, apananona, achhaihna,

RYHPACHANEINA 9:24

Ei cha pahno tua noh tawh ei ta Abeipa a dyuhpa nama châ.

RYHPACHANEINA 9:7

“Râhchawhpa liata Abeipa pathi nama pa-iapa kha a thei thlâh ha u la, my beih khuh vy. Izi râh tawhta nama kaw pua noh tawhta, he su nama vaw tlôna taihta, Abeipa a dyuhtuhpazy nama châ.

ZAWSUA 22:15

Rubena pathlazy, Kâdâ pathlazy nata Manase chi khophiezy yna Kilia râh lâ cha sie ei ta, ama hnohta,

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

1 SAMUELA 13:14

Châhrasala tahmâ cha na khinarâh he a duah parei khao aw vei. Abeipa ta bie a cha piepa na zyh leipa vâta, Abeipa ta ano palôh a phaohpa chyhsa tlua ta, a phopi chô liata a bei awpa ta Abeipa ta ano cha a rao haw,” tah ta.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.

1 SAMUELA 28:3

Samuela cha thi ha ta, Izarei zydua ta ano châta mâchhiesa ei ta, ano khih, Râmâ liata ama pabu hapa kha châ ta. Peihthaipazy nata dyuthaipazy chhao Sawla ta râh tawhta papua khai ha ta.