1 SAMUELA 15:11 - Mara Bible RV (BSI)

¹¹ “Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.

1 SAMUELA 15:11 ပူးပေါင်းရင်းမြစ်များ

ÂTHAONA 6:6

Alei chô liata chyhsapa a vaw taopa vâta Abeipa cha a ngiapachhi ta, a palôh pasa ngaita ta.

ÂTHAONA 6:7

Chavâta Abeipa ta, “Chyhsapa ei taopa he alei tawhta ei pahleipadia aw. Chyhsapazy, sazy, âlyhpasazy nata avâ pavawzy ei vaw taopa he ei ngiapachhi na,” tah ta.

2 SAMUELA 24:16

Vâlyuhchâpa ta parao awpa ta Zerusale lâ a ku a hy nahta, Abeipa cha hmo pha leipa tao a chhuahpa tawhta a palôh vaw nai ta, chyhsazy a pahleipadiatuhpa vâlyuhchâpa hnohta, “Â daih, na ku hy khao kha,” tah ta. Abeipa vâlyuhchâpa cha Zebu chyhsa Araunâ sawhri kiapâh liata y ta.

1 ABEIZY 11:9

Sawlawmaw palôh cha, a hnohta ei no po a luahpa Abeipa, Izarei Khazohpa a tleisai hapa vâta, Sawlawmaw chô liata Abeipa a hiehâh ta.

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

1 THÂTIHZYRONA 21:15

Zerusale pahleipadia awpa ta Khazohpa ta vâlyuhchâpa tuah ta, châhrasala pahleipadia awpa â chhuah hai nota, Abeipa ta hmô ta, chhiena patlôsa â chhuahpa cha a pathleih haw. Abeipa ta pahleipadiana rai a hria haipa vâlyuhchâpa hnohta, “Â daih haw, na ku hy khao khah y,” tah ta. Abeipa vâlyuhchâpa cha Zebu chyhsa Ôranâ sawhri kiapâh liata a duah ta.

ZAWBÂ 34:27

Ano ama pazipa tleisai ei ta, A lâpizy ama pachâ leipa vâta.

HLAZY 109:4

Ei kyhpachâna cha leihna ta na thô ei ta, Châhrasala kei la thlah ei chhâ lymâ.

HLAZY 110:4

“Melkizade theihthaina yzie hawhta, Tlyzaw ta theihthaipa na châ aw,” tahpa ta, Abeipa ta bie châ taih ha ta, A palôh panano aw vei.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

HLAZY 36:3

A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

HLAZY 78:41

Khazohpa pasia chanei ngâ thlâh ha ei ta, Izarei Mo Pathaihpa ru ama pachhô chanei heih tyh.

HLAZY 78:57

Kua ei ta âmo pathlatuhpazy hawhta, Piehpie ngaitapa ta hmotao ei ta; Libaw doleipa hawhta, A pahnieh tlâh châ veih ei.

PUASAINA 32:11

Châhrasala Mawsi ta Abeipa a Khazohpa cha a haw ta, a hnohta, “Hy Abeipa, hmotaotheina rônahpa nata ku thatlôpa ta Izi râh tawhta nâ kaw chhi papuapa na phopi chô liata khazia ma cha tlu po ta na hie a hâh tly?

PUASAINA 32:14

Chatanachata Abeipa cha a palôh panano ta, a phopi chô liata chhiena patlôsa awpa bie a reipa cha a pathleih haw.

ZEREMIAH 11:10

Ei bie a nathlie khoh leipa, âmo pathlatuhpazy moleina lâ kua heih ei ta, khazoh hropazy pazi ei ta ama chakao. Izarei pathlazy nata Zudâh pathlazy ta âmo pathlatuhpazy hnohta biehrai ei taopa ama parao haw.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 34:16

Châhrasala a ngiapachhi ei chi ta, âmo khotlyna tlai ta khotalaina pie ei chi ta nama papuasa hapa nama seichapawzy nata nama seichanôzy la pakhua heihpa ta, nama biehneina ry liata seizy ta tao heih ei chi ta, ei moh nama papuapalei haw.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

ZEREMIAH 9:18

A vaw para ei sala miah vaw chakhei mawh ei sy. Chatanachata eima mozy tawhta raithlih loh sala, Eima mo vozy tawhta mothlih loh mawh sy.

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

AMÔSÂ 7:3

Abeipa cha a palôh a panai ta, Abeipa ta, “Kha hmo kha vaw tlô aw vei,” tah ta.

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

ZEPHANIA 1:6

Abeipa pazi ha tlôh ta a kuasai heihpazy Chhawh pathlah aw ei na ta, Abeipa tlua leipa ta, ano a saohiah leipa maih cha, He su tawhta ei chhawh pathlah khai aw ei,” Abeipa ta a tah.

MATHAI 24:13

Achhâna taihta a tao hualuapa cha pachhapa ta a y aw.

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

LUKA 6:12

Cha nohzy liata, Zisu cha thlahchhâ awpa ta tlâh lâ khy ta, azozâkhihdei ta Khazohpa lâ thlahchhâ ta.

HEBRAI 10:38

Ei chyhsa siapa cha, Ngiapâna ta a hroh aw; Hnôh a sypa deikua cha, A chô liata alyna rai hnei aw va na.”

ZAWSUA 22:16

“Abeipa phopi manôh zydua ta hetana heta ama tah, ‘Khazia Izarei Khazohpa chô liata hmo nama parao? Tanoh he Abeipa nama pazina tawhta tleisai a chhuahpa ta maisâh a tao ei chi ta, tanoh he Abeipa namâ dyuh hih.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.

1 SAMUELA 13:13

Samuela ta Sawla hnohta, “Hru ngaitapa ta hmo na tao haw. Abeipa na Khazohpa ta zyh awpa ta biepiepa a cha piepa zyh khoh va chi. Zyh ha la cha, Izarei chô liata nâ beina he Abeipa ta chhâzaw châta a pa-i ha awpa tlai.

1 SAMUELA 15:10

Abeipa bie Samuela hnohta vaw tlô ta,

1 SAMUELA 15:3

Chavâta tahmâ sie la, Amale a kei dyuh la, a hneipa zydua kei pahleipadia khai teh. Khâpa hmah na pahlôh awpa châ vei. Chanô nata chapaw, hawti nata hawsaih, viahchao nata mietaku, râraoseihpa nata alâ zy na thie khai awpa a châ,’” tah ta.

1 SAMUELA 15:35

Cha noh tawhna chata Samuela cha a thi noh taihta Sawla a hmô khao vei. Chatanachôta Samuela cha Sawla vâta a pachâ a rôh ngaita tyh. Abeipa ta Izarei chô liata bei châ awpa ta Sawla a vaw taopa cha â ngiapachhi ngaita.

1 SAMUELA 15:9

Sawla nata pheisaihzy ta Akâ cha pahlôh ei ta, mietaku nata viahchao pha chaipazy, viahchaotaw nata mietakutaw thawhpazy, a phapa maih pahlôh ei ta. Chazy cha tlokhuh pahleipadia khai ha awpa pasaih leipa ei ta. A pha leipa nata ama kho leipa maih deikua cha, pahleipadia khai ha ei ta.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.

1 SAMUELA 8:6

“Eima chô liata ryu a reih awpa bei miah pie teh,” ama tahpa kyh chata Samuela cha palysa lei kaw ta. Samuela cha Abeipa lâ thlahchhâ ta.