1 SAMUELA 15:1 - Mara Bible RV (BSI)

¹ Samuela ta Sawla hnohta, “Kei he Abeipa ta a phopi Izarei chô liata bei châta sathaw cha thu awpa ta nâ lâta eina vaw tuapa kha châ na ta, chavâta tahmâ Abeipa bie reipa he nathlie teh.

1 SAMUELA 15:1 ပူးပေါင်းရင်းမြစ်များ

2 ABEIZY 7:1

Elaisâh ta, “Abeipa bie he thei teh u. Abeipa ta hetana heta a tah: Mylâ tahmâ ti heta Samâri thokhy chhikao liata viahdie dipa saikhua hmo kha cha sekel miakha ta zuah aw ei ta, bâli sâh saikhua hmo no cha sekel miakha ta ama zuah aw,” tah ta.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.

1 SAMUELA 12:14

Abeipa cha chipa ta, ano cha chakao u la, a ao nathliepa ta, Abeipa biepiepa a dyuh leipa u la, nâmo nata nama chô liata ryureituhpa bei chhaota Abeipa nama Khazohpa a zipa nama châ khiahta cha, a pha aw.

1 SAMUELA 13:13

Samuela ta Sawla hnohta, “Hru ngaitapa ta hmo na tao haw. Abeipa na Khazohpa ta zyh awpa ta biepiepa a cha piepa zyh khoh va chi. Zyh ha la cha, Izarei chô liata nâ beina he Abeipa ta chhâzaw châta a pa-i ha awpa tlai.

1 SAMUELA 9:15

Mylâ Sawla a vaw tlô awpa noh ta, Abeipa ta Samuela hnohta,

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.