1 SAMUELA 14:45 - Mara Bible RV (BSI)

⁴⁵ Châhrasala zawpizy ta Sawla hnohta, “He pachhana rônah ngaitapa Izarei hry liata a vaw tlôkheituhpa Zawnathâ he a thi aw ma? Châ bao va! Abeipa hrona reipa ta eima reih, a sâbu miakha chhao alei liata a tla awpa châ vei. Tanoh he ano cha Khazohpa a hrialâhpa a châ hih,” tah ei ta. Zawpi ta Zawnathâ cha pachha ha ei ta, thiepa châ khao vei.

1 SAMUELA 14:45 ပူးပေါင်းရင်းမြစ်များ

2 SAMUELA 14:11

Chanô ta, “Ei châ haw na, thisaih phuh a latuhpa ta chyhsa thie khao leipa sala, ei sawchapawpa cha pahleipadiapa ta a y lei nawpa ta, abei heta Abeipa na Khazohpa rie a thei mah y,” tah ta. Abei ta, “Abeipa hrona reipa ta ei reih, na sawchapawpa sâbu miakha chhao alei liata tla aw vei,” tah ta.

1 ABEIZY 1:52

Sawlawmaw ta, “Chyhsa ngâchhihpa a châpa a palâsa khiahta cha, a sâbu miakha chhao alei liata tla aw vei. Paraona ano liata hmôpa a châ khiahta deikua cha a thi aw,” tah ta.

2 THÂTIHZYRONA 19:11

Nathlie teh u, Abeipa kyh zydua liata, theihthai beipa Amaria cha nama hyutuhpa châ ta; abei kyh zydua liata, Zudâh chi hyutuhpa Ismela sawchapawpa Zebadiah cha hyutuhpa châ ta; Livai pathlazy chhao nama hyutuhpa châpa ta ama cha chakao aw. Riahphapa ta hria u la, Abeipa cha chyhsa phapazy hnohta y mawh sy!” tah ta.

NEHEMIAH 9:27

Chavâta âmo rie a patheituhpa ama chariahzy ku liata na pie ha ei. Ama nôpona daihti liata cha pado ei ta, vârâh tawhta vaw nathlie chi ta, na zawngiahna rônah ngaitapa vâta pachhatuhpazy pie chi ta, âmo chata ama chariahzy ku tawhta ama pachha haw.

ISAI 13:3

Ei pathaisapazy cha keima tlai ta biepie ha ei na ta, Ei pasaipha, ei ly kawpa nata ei palaikhei kawpazy cha, Ei hiehâhna pi patloh nawpa ta ei aw ha ei.

MATHAI 10:30

Nama luh liata sâ zydua chhao reih khaipa a châ.

LUKA 21:18

Châhrasala nama luh liata sâbu miakha chhao leidia aw vei.

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

HMOTAOPAZY 15:12

Chatanachata zawpi zydua cha a chalih ha ei ta, Bânabâ nata Pawla ta âmo hmâpa ta Khazohpa ta Zenitaizy hry liata ngiana nata hmonoâhpa a taopa kyh ama reipazy cha nathlie ei ta.

HMOTAOPAZY 21:19

Pawla ta âmo cha â naoh khai nah ei ta, a chakaona hmâpa ta Khazohpa ta Zenitaizy hry liata hmo a taopazy miakha miakha ta reih ta.

HMOTAOPAZY 27:34

Chavâta pati nie awpa ta ei châ haw ei. Nama thatlô nawpa a châ. Nama hry liata ahy hmah a luh liata sâbu miakha chhao leidia aw vei,” tah ta.

RAWMA 15:18

Zenitaizy Khazohpa bie pazyhsa awpa ta Krista ta kei na hmâh ta, cha châta ei biereipa nata ei hmotaopazy dei leipa ta cha, bie hropa rei a chhuah va na.

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 19:14

Vâ pheisaihzy ta poh rih dipa diehpa nata pathaihpa a bupa ta arâ râhpa a kiahpa cha pazi ei ta.

1 SAMUELA 11:13

Châhrasala Sawla ta, “Tanoh hawhpa liana heta la ahy hmahta thie awpa châ vei, tanoh he Abeipa ta Izarei a pachhana noh a châ hih,” tah ta.

1 SAMUELA 14:23

Cha noh ta Abeipa ta Izarei cha pachha ta, Bethave khô lâ taihta amâ dyuh lymâ.

1 SAMUELA 14:46

Cha khai tawhta Sawla cha Philistinâ mo â chadaipa cha kuasai ta, Philistinâ mo cha ama yna su chyu lâ sie ha ei ta.

1 SAMUELA 19:5

A hrona sokhâhpa ta Philistinâ chyhsa kha thie ta, Abeipa ta Izarei zydua châta pachhana rônah ngaitapa a tao. Cha cha nâ chhao ta hmô chi ta, nâ ly ngaitapa kha a châ. Khazia a chhâpa y leipa ta Dâvi cha thie aw chi ta, mosiapa thisaih chô liata moleina na tao aw?” tah ta.