1 SAMUELA 14:38 - Mara Bible RV (BSI)

³⁸ Chatawhcha Sawla ta, “Nâmo Izarei phopi chhituhpa zydua kha he lâ a vaw hnia u la, tanoh he khâpa moleina ma eima tao haw tahpa a laichadai u la, pahno a chhuah teh u.

1 SAMUELA 14:38 ပူးပေါင်းရင်းမြစ်များ

2 SAMUELA 18:3

Châhrasala zawpizy ta, “Sie aw va chi. Keimo sahlao he cha a râ hapa rai châ sih la, pei tah leipa aw ei ta, â khophie thi ha hra sih la, pei tah aw veih ei, nâma deikua cha keimo sahlao 10,000 tlu ta a sôhpa na châ. Chavâta khihpi tawhta baona miah na vaw pie awpa a pha via aw,” tah ei ta.

HLAZY 47:9

Phopizy tawhta beizy a hmaoh ei ta, Abarahâ Khazohpa phopi chhao amâ hmaoh. Khizaw vyhphaozy he Khazohpa eih châ ta, Ano cha thata cheihchalopa a châ.

ZEKARIA 10:4

Zudâh tawhta a ki liata alô vaw pua aw ta, Ano tawhta poh o tôh a pua aw; Ano tawhta adyuhna libaw pua aw ta, Ano tawhta ryureituhpa zydua ama vaw pua aw.

MALUHREINA 24:17

Ano cha hmô na ta, Châhrasala tahmâ châ vei; Moh na ta, Châhrasala a hnia vei; Zakaw tawhta awhsi vaw pua aw ta, Izarei tawhta bei a vaw pua aw. Môabâ râh zydua pahnie aw ta, Sethâ saw zydua a pahleipadia khai aw.

MATHAI 21:42

Zisu ta ama hnohta, “Biehrai liata, “‘O satuhpazy alô kho leipa cha, A ki lô a vaw châ haw; Cha cha Abeipa taopa châ ta, Eima mo liata â ngia ngaita,’ tahpa bie reih beih veih ei chi ma?

EPHESI 2:20

Krista Zisu cha a ki liata alô peimawh chaipa châ ta, lyuhchâpazy nata hrohsopazy lôbôpa chô liata sapa nama châ.

ZAWSUA 7:11

Izarei ta hmo a parao haw. Ama hnohta bie ei piepa, ei biehrai parao ei ta, pahleipadia awpa hmo thokha amâ la haw. Hmo paru ei ta, haipa bie reih ei ta, ama parupazy cha ama hmo hry liata ama nyu.

ZAWSUA 7:12

Chavâta Izarei sawzy cha ama chariahzy hmiakô liata a duah thei khao veih ei. Ama chariahzy hmiakô tawhta a râpai ei ta, âmo chhao pahleipadia awpa ta raopa ama châ. Chavâta pahleipadia awpa hmozy cha nama hry tawhtapa nama pahleipadia leipa khiahta cha, nama hnohta y khao aw va na.

RYUREITUHPAZY 20:2

Izarei chi zydua tawhta chi to chhituhpazy cha, Khazohpa phopi pakhypi liata ama su chyu pahrâpa ta a duah ei ta. Zaozi a chabapa alei pheisaih 400,000 ama y.